جۇما كٷنٸ تٷندە مۋمبايداعى تۇرعىن ٷي قۇلاپ, جەتٸ ادام قازا تاپتى, تاعى ٷشەۋٸ جاراقات العان. بۇل تۋرالى ANI اگەنتتٸگٸ حابارلادى.
قالالىق پوليتسييانىڭ مەلٸمەتٸنە سەيكەس, وقيعا قالانىڭ شىعىسىنداعى گوۆاندي اۋدانىندا بولعان. ٷيدٸڭ قيراۋىنا قاتتى نٶسەردەن تۋىنداعان سۋ تاسقىنى مەن بالشىق اعىندارى سەبەپ بولعان. بٸر تەۋلٸك ٸشٸندە قالادا 380 مم-گە جۋىق جاۋىن-شاشىن تٷستٸ.
شٸلدە ايىنىڭ ورتاسىندا ٷندٸستاننىڭ باتىس جاعالاۋىندا, سونىڭ ٸشٸندە مۋمبايدا كٷشتٸ مۋسسوندىق نٶسەر ماۋسىمى باستالدى. 19 شٸلدەدە شامبۋر, ۆيحرولي, بحاندپۋر اۋداندارىندا سەل مەن سۋ تاسقىنىنان تۋىنداعان عيماراتتاردىڭ قۇلاۋىنان مۋمبايدا 33 ادام كٶز جۇمدى. قالانىڭ ويپاتتى اۋداندارى سۋ استىندا قالدى.
بيلٸك ۇلتتىق ەسكەري-تەڭٸز كٷشتەرٸنەن قۇتقارۋ جۇمىستارىن جٷرگٸزۋگە كٶمەك سۇرادى. ەلدٸڭ باتىس ەسكەري-تەڭٸز قولباسشىلىعى قۇتقارۋ توپتارىن جۇمىلدىردى جەنە ازاماتتىق ەكٸمشٸلٸككە كٶمەك كٶرسەتۋ ٷشٸن ەسكەري تٸكۇشاقتاردى تارتتى.
