Respýblika boiynsha turǵyn úi-kommýnaldyq sharýashylyǵynda 2607 jańa basqarý nysany qurylǵan, dep habarlaidy "Ult aqparat".
Bul týraly «Turǵyn úi-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary Nurbek Serikov aitty.
«2020 jylǵy qańtarda Qazaqstan Respýblikasynyń keibir zańnamalyq aktilerine turǵyn úi-kommýnaldyq sharýashylyq máseleleri boiynsha ózgerister men tolyqtyrýlar engizý týraly QR zańy kúshine endi. Zań mynadai negizgi máselelerdi sheshýge baǵyttalǵan. Solardyń biri – «Bir úi, bir birlestik, biri esepshot» printsipi boiynsha múlik ieleriniń birlestigi kommertsiialyq emes uiymynyń jańa nysanyn qurý jolymen basqarý organdarynyń qyzmetin retteý bolyp tabylady», - dedi aktsionerlik qoǵam ókili.
Sonymen qatar, ol múlik ieleri birlestikterin qurýda kósh sońynda turǵan oblystardy atady.
«Ádilet ministrliginiń derekterine súiensek, 19 sáýirdegi jaǵdai boiynsha 2607 jańa basqarý nysany quryldy. Olardyń basym bóligi Nur-Sultan jáne Almaty qalalarynda ornalasqan. Eń tómengi kórsetkishter Batys Qazaqstan, Jambyl jáne Qyzylorda oblystarynda tirkeldi», - dedi Nurbek Serikov.
