Depýtat Muhtar Tinikeevtiń júregi nasharlap aýrýhanaǵa tústi. Bul týraly QR Parlament Májilisiniń Ekologiia máseleleri jáne tabiǵat paidalaný komitetiniń tóraǵasy Gleb Shegelskii málimdedi, - dep habarlaidy "Ult aqparat" kaz.tengrinews.kz portalyna silteme jasap.
"Qazir men oǵan qońyraý shaldym, ol aýrýhanada. Búgin onyń josparly tekserýden ótýi belgilengen. Onyń júregi nasharlap júr", - deidi Gleb Shegelskii, depýtattyń aýrýhanaǵa jatqyzylǵanyn atap ótip.
Eske salaiyq, 20 jeltoqsanda WhatsApp Parlamenttiń tómengi palatasynyń depýtaty Muhtar Tinikeevke uqsaityn adam kórsetilgen birneshe video tarady. Kadrlardan oqiǵanyń dastarhan basynda bolǵanyn kórýge bolady. Eki er adam turyp alyp, janjaldasyp jatady. Májilismen Muhtar Tinikeevke daýsy da, ózi de uqsaityn adam taǵy eki er adamnyń kózinshe bireýden jaýap alady. Depýtatqa uqsaityn er adam áńgimelesýshisine bylapyt sóz aityp, soqqy jasaidy.
Qazirgi ýaqytta QR Parlamentiniń tómengi palatasynyń depýtaty Muhtar Tinikeev paida bolǵan videoǵa qatysty pikir bildirmedi. Tengrinews.kz tilshisimen áleýmettik jelide bailanysqan ol videonyń eki jyl burynǵy ekenin ǵana atap ótti.
Keiin májilismen Muhtar Tinikeevtiń qatysýymen túsirilgen videonyń shamamen qashan túsirilgeni belgili boldy.
