Búgin QR Premer-Ministriniń orynbasary – Syrtqy ister ministri Muhtar Tileýberdi Ujymdyq qaýipsizdik týraly shart uiymynyń Bas hatshysy Stanislav Zaspen kezdesti, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
Kezdesý barysynda UQShU-nyń qazirgi jumysy týraly pikir almasylyp, Uiym qyzmetiniń barlyq negizgi baǵyttary boiynsha keń aýqymdy máseleler talqylandy.
Ministr osy jyldyń mamyr aiynda Dýshanbe qalasynda ótetin UQShU Syrtqy ister ministrleri keńesiniń kezekti otyrysyna shaqyrýdy qabyldady.
Taraptar uiymdy odan ári nyǵaitý boiynsha yntymaqtastyqqa daiyn ekendikterin bildirdi.
UQShU 2002 jyly qurylǵan jáne quramyna Qazaqstanmen qatar Armeniia, Belarýs, Qyrǵyzstan, Resei jáne Tájikstan kiretin halyqaralyq óńirlik uiym. Qazirgi ýaqytta UQShU-ǵa Tájikstan Respýblikasy tóraǵalyq etedi. UQShU Ujymdyq qaýipsizdik keńesiniń kezekti sessiiasy 2021 jyldyń tórtinshi toqsanynda Tájikstanda ótedi.
Belarýs ókili S.Zas UQShU Bas hatshysy laýazymyna 2020 jylǵy 1 qańtardan bastap 2022 jylǵy 31 jeltoqsanǵa deiingi kezeńge taǵaiyndaldy.
