Búgin Syrtqy ister ministri Muhtar Tileýberdi Resei Federatsiiasynyń Syrtqy ister ministri Sergei Lavrovpen beinebailanys rejiminde kelissóz ótkizdi, dep habarlaidy "Ult aqparat".
QR SIM-nen málim etkendei, syrtqysaiasi vedomstvolardyń basshylary saiasi, ekonomikalyq salalardaǵy, sonyń ishinde tranzittik-kóliktik, energetikalyq jáne áskeri-tehnikalyq baǵyttardaǵy Qazaqstan-Resei jan-jaqty strategiialyq áriptestiktiń aǵymdaǵy jaǵdaiy men damý perspektivalaryn talqylady.
Taraptar sondai-aq, TMD, EAEO, UQShU, ShYU, BUU aiasyndaǵy kooperatsiia máselelerin qarastyrdy.
Ekinshi dúniejúzilik soǵystaǵy Jeńistiń 75 jyldyǵyna arnalǵan saltanatty is-sharalarǵa qatysý úshin Qazaqstan Prezidenti Qasym-Jomart Toqaevtyń Máskeýge aldaǵy saparyna daiyndyq máseleleri talqylandy.
«Sonymen qatar, M. Tileýberdi men S. Lavrov aǵymdaǵy jyldyń qarasha aiynda Kókshetaýda ótetin Qazaqstan men Reseidiń XVII Óńiraralyq yntymaqtastyq forýmyna daiyndyǵyn qarastyrdy», - dedi QR SIM-nen.
