Búgin Úkimet otyrysynda QR Premer-Ministriniń orynbasary – Syrtqy ister ministri Muhtar Tileýberdi oblys ákimderi orynbasarlarynyń fýnktsionaldyq mindetterin qaita qaraýdy usyndy, dep habarlaidy "Ult aqparat".
«Investorlarmen naqty jumys isteý úshin 2012 jyly investitsiialarǵa jaýapty oblystar men respýblikalyq mańyzy bar qalalar ákimderiniń arnaiy orynbasarlary laýazymy engizildi. Atalǵan shara óziniń tiimdiligin kórsetti. Alaida jyldar óte kele ákimderdiń arnaýly orynbasarlarynyń fýnktsionaly olarǵa beiindi emes mindetter júkteýmen shaiylyp ketti», - dedi ol.
Máselen, onyń atap ótýinshe, búgingi tańda Nur-Sultan qalasynda, Aqmola, Soltústik Qazaqstan jáne Mańǵystaý oblystarynda ǵana ákimderdiń arnaýly orynbasarlary tek investitsiia máselesimen ainalysady.
Qalǵan oblystarda olarǵa investitsiialarǵa shoǵyrlanýǵa múmkindik bermeitin basqa da mindetter júktelgen.
«Sondyqtan óńir ákimderi orynbasarlarynyń fýnktsionaldyq mindetterin qaita qarap, investitsiia tartýǵa, bastapqy baǵdarǵa oralý qajet dep sanaimyn», - dedi Muhtar Tileýberdi.
