بٷگٸن ٷكٸمەت وتىرىسىندا قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ وبلىس ەكٸمدەرٸ ورىنباسارلارىنىڭ فۋنكتسيونالدىق مٸندەتتەرٸن قايتا قاراۋدى ۇسىندى, دەپ حابارلايدى "ۇلت اقپارات".
«ينۆەستورلارمەن ناقتى جۇمىس ٸستەۋ ٷشٸن 2012 جىلى ينۆەستيتسييالارعا جاۋاپتى وبلىستار مەن رەسپۋبليكالىق ماڭىزى بار قالالار ەكٸمدەرٸنٸڭ ارنايى ورىنباسارلارى لاۋازىمى ەنگٸزٸلدٸ. اتالعان شارا ٶزٸنٸڭ تيٸمدٸلٸگٸن كٶرسەتتٸ. الايدا جىلدار ٶتە كەلە ەكٸمدەردٸڭ ارناۋلى ورىنباسارلارىنىڭ فۋنكتسيونالى ولارعا بەيٸندٸ ەمەس مٸندەتتەر جٷكتەۋمەن شايىلىپ كەتتٸ», - دەدٸ ول.
مەسەلەن, ونىڭ اتاپ ٶتۋٸنشە, بٷگٸنگٸ تاڭدا نۇر-سۇلتان قالاسىندا, اقمولا, سولتٷستٸك قازاقستان جەنە ماڭعىستاۋ وبلىستارىندا عانا ەكٸمدەردٸڭ ارناۋلى ورىنباسارلارى تەك ينۆەستيتسييا مەسەلەسٸمەن اينالىسادى.
قالعان وبلىستاردا ولارعا ينۆەستيتسييالارعا شوعىرلانۋعا مٷمكٸندٸك بەرمەيتٸن باسقا دا مٸندەتتەر جٷكتەلگەن.
«سوندىقتان ٶڭٸر ەكٸمدەرٸ ورىنباسارلارىنىڭ فۋنكتسيونالدىق مٸندەتتەرٸن قايتا قاراپ, ينۆەستيتسييا تارتۋعا, باستاپقى باعدارعا ورالۋ قاجەت دەپ سانايمىن», - دەدٸ مۇحتار تٸلەۋبەردٸ.
