QR Premer-Ministriniń orynbasary - Syrtqy ister ministri Muhtar Tileýberdi Sheteldik investorlar keńesiniń 33-jalpy otyrysynda norma shyǵarýdy jetildirý máselelerine engizilgen zańnamalyq ózgerister týraly málimet berdi, dep habarlaidy QazAqparat.
Premer-Ministrdiń orynbasary óz sózinde jańǵyrtylatyn energiia sektorynyń tartymdylyǵyn arttyrý úshin 2020 jyly zańǵa túzetýler engizilgenin atap ótti.
«Qazaqstan Respýblikasynyń zańyna sáikes jańǵyrtylatyn energiia kózderin paidalanatyn energiia óndirýshi uiymdardan elektr energiiasyn satyp alýǵa 20 jyldyq kelisimshart jasalady», - dedi ministr.
Sonymen birge, ol norma shyǵarýdy jetildirý máseleleri boiynsha tiisti zańǵa qol qoiylǵanyn eske saldy.
«Normativtik-quqyqtyq aktilerdi jariia túrde qaraý jáne talqylaý merzimderin ulǵaitý jónindegi jumys sheńberinde norma shyǵarýdy jetildirý máseleleri boiynsha tiisti zańǵa qol qoiyldy. Jańa tártip boiynsha, normativtik-quqyqtyq aktilerdi ázirleý kezinde «Ashyq NQA» portalynan basqa talqylaýdyń taǵy eki tásili qarastyrylǵan – Jariia tyńdaýlar men debattar 15 jumys kúninen bastap jáne odan kóp ýaqyt jumys isteidi. Bul tásil azamattarǵa retteletin sala boiynsha óz kózqarastaryn bildirýge jáne talqylanatyn másele boiynsha eki tarap arasynda almasý júrgizýge múmkindik beredi», - dedi Muhtar Tileýberdi.
