Qazaqstan Syrtqy ister ministri Muhtar Tileýberdi men Polshanyń Syrtqy ister ministri Iatsek Chapýtovich telefon arqyly sóilesti, dep habarlaidy "Ult aqparat" SIM baspasóz qyzmetine silteme jasap.
Áńgimelesý barysynda poliak syrtqy saiasi vedomstvosynyń basshysy Polshanyń 19 azamatynyń Qazaqstannan Varshavaǵa qaitýyna kórsetilgen kómek úshin rizashylyǵyn jetkizdi. Óz kezeginde, ministr M.Tileýberdi Qazaqstannyń 207 azamatyn elge qaitarý barysynda kórsetilgen qolǵabys úshin poliak áriptesine alǵys bildirdi.
Eske sala ketsek, Polshaǵa jiberilgen «Skat» qazaqstandyq áýekompaniiasynyń arnaiy charterlik reisimen Qazaqstanda qalyp qoiǵan poliak azamattary da joldanǵan bolatyn.
Suhbat sońynda, taraptar ekijaqty yntymaqtastyqty, sonyń ishinde «COVID-19» koronavirýs pandemiiasy saldarynan oryn alǵan daǵdarysty jeńý boiynsha jahandyq kúsh salysý sheńberinde odan ári nyǵaitýǵa ýaǵdalasty.
Telefon arqyly sóilesýge poliak tarapy bastamashy boldy.
