قازاقستان سىرتقى ٸستەر مينيسترٸ مۇحتار تٸلەۋبەردٸ مەن پولشانىڭ سىرتقى ٸستەر مينيسترٸ ياتسەك چاپۋتوۆيچ تەلەفون ارقىلى سٶيلەستٸ, دەپ حابارلايدى "ۇلت اقپارات" سٸم باسپاسٶز قىزمەتٸنە سٸلتەمە جاساپ.
ەڭگٸمەلەسۋ بارىسىندا پولياك سىرتقى ساياسي ۆەدومستۆوسىنىڭ باسشىسى پولشانىڭ 19 ازاماتىنىڭ قازاقستاننان ۆارشاۆاعا قايتۋىنا كٶرسەتٸلگەن كٶمەك ٷشٸن ريزاشىلىعىن جەتكٸزدٸ. ٶز كەزەگٸندە, مينيستر م.تٸلەۋبەردٸ قازاقستاننىڭ 207 ازاماتىن ەلگە قايتارۋ بارىسىندا كٶرسەتٸلگەن قولعابىس ٷشٸن پولياك ەرٸپتەسٸنە العىس بٸلدٸردٸ.
ەسكە سالا كەتسەك, پولشاعا جٸبەرٸلگەن «سكات» قازاقستاندىق ەۋەكومپانيياسىنىڭ ارنايى چارتەرلٸك رەيسٸمەن قازاقستاندا قالىپ قويعان پولياك ازاماتتارى دا جولدانعان بولاتىن.
سۇحبات سوڭىندا, تاراپتار ەكٸجاقتى ىنتىماقتاستىقتى, سونىڭ ٸشٸندە «COVID-19» كوروناۆيرۋس پاندەميياسى سالدارىنان ورىن العان داعدارىستى جەڭۋ بويىنشا جاھاندىق كٷش سالىسۋ شەڭبەرٸندە ودان ەرٸ نىعايتۋعا ۋاعدالاستى.
تەلەفون ارقىلى سٶيلەسۋگە پولياك تاراپى باستاماشى بولدى.
