Kanada tarapynyń bastamasy boiynsha Qazaqstan Syrtqy ister ministri Muhtar Tileýberdi Kanadanyń Syrtqy ister ministri Fransýa-Filipp Shampanmen telefon arqyly sóilesti, dep habarlaidy "Ult aqparat".
QR SIM-nen málim etkendei, áńgime barysynda taraptar COVID-19 pandemiiasymen kúresý jónindegi elderdiń sharalaryn, sondai-aq ekijaqty yntymaqtastyqtyń qazirgi jai-kúii men perspektivalaryn, halyqaralyq arenadaǵy ózara is-qimyl máselelerin talqylady.
«Taraptar pandemiia adamdardyń kúndelikti ómirin túbegeili ózgertkenin jáne halyqaralyq qatynastardyń barlyq júiesine eleýli áser etip otyrǵanyn atap ótti.
Kanadalyq tarap Kanadanyń jáne Iamaikanyń bastamasymen ótkizilgen koronavirýs pandemiiasy dáýirindegi turaqty damýdy qarjylandyrý jónindegi BUU-nyń joǵary deńgeidegi is-sharasynda QR Prezidenti Q.Toqaevtyń mazmundy sóilegen sózine jáne elimizdiń qatysqany úshin alǵysyn bildirdi», - delingen SIM aqparatynda.
Kanada syrtqy saiasi vedomstvosynyń basshysy Qazaqstannyń óńirdegi jetekshi rólin atap ótip, Ottavanyń Nur-Sultanmen syndarly jáne ózara tiimdi qarym-qatynasty odan ári damytýǵa daiyn ekendigin bildirdi.
«M. Tileýberdi saiasi dialogty odan ári damytý qajettigin basa aityp, 2020 jyldyń aqpan aiynda QR Prezidenti Q.Toqaevtyń Kanadanyń Premer-ministri Dj.Triýdomen Miýnhende bolǵan ekijaqty kezdesýi, sondai-aq Kanadanyń General-gýbernatory J.Paiettiń 2018 jyly Qazaqstanǵa sapary ekijaqty yntymaqtastyqtyń damýyna serpin bergenin málim etti.
Sonymen qatar ekijaqty formatta da, halyqaralyq arenada da, sonyń ishinde iadrolyq qarýdy taratpaý, ornyqty damý, azyq-túlik qaýipsizdigi jáne adam quqyqtary máseleleri boiynsha ózara is-qimyldy odan ári jandandyrýdy qoldaityndaryn jetkizdi», - dedi vedomstvodan.
