Qazaqstan Premer-Ministriniń orynbasary - Syrtqy ister ministri Muhtar Tileýberdi AQSh-tyń Aýǵanstandy bitistirý jónindegi arnaiy ókili Zalil Halilzadty qabyldady.
Kezdesý barysynda taraptar Aýǵanstandaǵy aǵymdaǵy jaǵdaidy jáne aýǵanaralyq dialogty jolǵa qoiý protsesin talqylady, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
«Qazaqstan Aýǵanstandy damytýǵa, onyń ishinde Ortalyq Aziia men Amerika Qurama Shtattary arasyndaǵy ózara is-qimyldyń negizgi tetigine ainalǵan S5+1 formaty sheńberinde járdemdesý boiynsha kúsh-jigerin salýdy jalǵastyrady», - dep málimdedi kezdesýde M.Tileýberdi.
Taraptar aýǵan baǵytyndaǵy ózara tiimdi yntymaqtastyqty jalǵastyrýǵa ýaǵdalasty.
