Men bul qorytyndyǵa baiaǵyda kelgem. Bylai qarasańyzdar, jer máselesi boiynsha qurylǵan Komissiia – ol da qazaq dástúri. Jalpy ulttyq daý paida bolǵandyqtan jer daýyn sheshetin quryltai quryldy. Búkil eldi aralap, halyqtyń pikirin bilip sheshim qabyldap jatyrmyz. El aralaityndar – elge tanymal tulǵalar.
Memleketimizde QAZAQYLYQ jeńse, demokratiia jeńedi, sebebi qazaqtar ǵasyrlar boiy demokratiiamen ómir súrdi. Handarymyzdy sailadyq, bilerimiz táýelsiz sot jumysyn atqardy. Aqyndar halyqtyń sózin sóilep, bilikke syn aitty. «Bas kespek bolsa da til kespek joq» degen zań bolǵan. Memlekettiń eń mańyzdy máselelerdi jalpy ulttyq quryltaiynda talqyǵa salatyn boldy babalarymyz.
Iaǵni, memleketemizde QAZAQYLYQ jeńse, Qazaqstanda demokratiia men sóz erkindigi degen uǵymdar kúsheietin bolady, al jemqorlyq joǵalady. Elimizde QAZAQYLYQ jeńse, aqsaqaldar ádemi qartaiady, qyzdar men jigitter abyroilaryn saqtap júredi, qarasaqaldar el tiregi bolyp eńbek atqarady. Bilik halyqtyń qalaýymen memleketti retteidi.
Al, qazir biz Resei imperiiasynyń zańdary boiynsha ómir súrip jatyrmyz. Adal sailaý men demokratiia joq, aqyndardyń tipti aitysta aýyzdaryn jaýp jatyr. Sózdiń erkindigi joiylyp ketti, jemqorlyq gúldenip tur. Ol túgel qazaqqa jat qoǵamdyq dástúrler, ol Resei imperiiasynyń dástúrleri — halyqty qul (krepostnye) retinde sanaý, halyqtyń pikirin mensinbeý.
Nege halyq Komissiiamyzdy sonshama muqiiat kútip qarap otyr? Sebebi bul bilik pen halyqtyń arasynda bir ǵana kezdese alatyn oryn boldy.
Maslihatta otyrǵan depýtattardy kim biledi, kim tanidy? Olar halyqpen jii kezdesip júr me? Ákimder «postanovochnyi» emes halyqpen kezdesýdi jii ótkize me? Joq! Ótkizip jatsa, «biýdjetnikterdi» jinap ótkizedi, typ tynysh otyratyn. Negizi bilik halyqtan alystady, ol QAZAQYLYQ emes, ol reseishil menińshe.
Iaǵni, elimizde demokratiia, sózdiń erkindigi kúsheitý úshin biz elimizde, áserese biligimizde QAZAQYLYQTY kúsheitýimiz jón. Sonda ǵana bizde jemqor men paraqor azaiyp, el dami bastaidy.
