مەن بۇل قورىتىندىعا باياعىدا كەلگەم. بىلاي قاراساڭىزدار, جەر مەسەلەسٸ بويىنشا قۇرىلعان كوميسسييا – ول دا قازاق دەستٷرٸ. جالپى ۇلتتىق داۋ پايدا بولعاندىقتان جەر داۋىن شەشەتٸن قۇرىلتاي قۇرىلدى. بٷكٸل ەلدٸ ارالاپ, حالىقتىڭ پٸكٸرٸن بٸلٸپ شەشٸم قابىلداپ جاتىرمىز. ەل ارالايتىندار – ەلگە تانىمال تۇلعالار.
مەملەكەتٸمٸزدە قازاقىلىق جەڭسە, دەموكراتييا جەڭەدٸ, سەبەبٸ قازاقتار عاسىرلار بويى دەموكراتييامەن ٶمٸر سٷردٸ. حاندارىمىزدى سايلادىق, بيلەرٸمٸز تەۋەلسٸز سوت جۇمىسىن اتقاردى. اقىندار حالىقتىڭ سٶزٸن سٶيلەپ, بيلٸككە سىن ايتتى. «باس كەسپەك بولسا دا تٸل كەسپەك جوق» دەگەن زاڭ بولعان. مەملەكەتتٸڭ ەڭ ماڭىزدى مەسەلەلەردٸ جالپى ۇلتتىق قۇرىلتايىندا تالقىعا سالاتىن بولدى بابالارىمىز.
ياعني, مەملەكەتەمٸزدە قازاقىلىق جەڭسە, قازاقستاندا دەموكراتييا مەن سٶز ەركٸندٸگٸ دەگەن ۇعىمدار كٷشەيەتٸن بولادى, ال جەمقورلىق جوعالادى. ەلٸمٸزدە قازاقىلىق جەڭسە, اقساقالدار ەدەمٸ قارتايادى, قىزدار مەن جٸگٸتتەر ابىرويلارىن ساقتاپ جٷرەدٸ, قاراساقالدار ەل تٸرەگٸ بولىپ ەڭبەك اتقارادى. بيلٸك حالىقتىڭ قالاۋىمەن مەملەكەتتٸ رەتتەيدٸ.
ال, قازٸر بٸز رەسەي يمپەريياسىنىڭ زاڭدارى بويىنشا ٶمٸر سٷرٸپ جاتىرمىز. ادال سايلاۋ مەن دەموكراتييا جوق, اقىنداردىڭ تٸپتٸ ايتىستا اۋىزدارىن جاۋپ جاتىر. سٶزدٸڭ ەركٸندٸگٸ جويىلىپ كەتتٸ, جەمقورلىق گٷلدەنٸپ تۇر. ول تٷگەل قازاققا جات قوعامدىق دەستٷرلەر, ول رەسەي يمپەريياسىنىڭ دەستٷرلەرٸ — حالىقتى قۇل (كرەپوستنىە) رەتٸندە ساناۋ, حالىقتىڭ پٸكٸرٸن مەنسٸنبەۋ.
نەگە حالىق كوميسسييامىزدى سونشاما مۇقييات كٷتٸپ قاراپ وتىر? سەبەبٸ بۇل بيلٸك پەن حالىقتىڭ اراسىندا بٸر عانا كەزدەسە الاتىن ورىن بولدى.
ماسليحاتتا وتىرعان دەپۋتاتتاردى كٸم بٸلەدٸ, كٸم تانيدى? ولار حالىقپەن جيٸ كەزدەسٸپ جٷر مە? ەكٸمدەر «پوستانوۆوچنىي» ەمەس حالىقپەن كەزدەسۋدٸ جيٸ ٶتكٸزە مە? جوق! ٶتكٸزٸپ جاتسا, «بيۋدجەتنيكتەردٸ» جيناپ ٶتكٸزەدٸ, تىپ تىنىش وتىراتىن. نەگٸزٸ بيلٸك حالىقتان الىستادى, ول قازاقىلىق ەمەس, ول رەسەيشٸل مەنٸڭشە.
ياعني, ەلٸمٸزدە دەموكراتييا, سٶزدٸڭ ەركٸندٸگٸ كٷشەيتۋ ٷشٸن بٸز ەلٸمٸزدە, ەسەرەسە بيلٸگٸمٸزدە قازاقىلىقتى كٷشەيتۋٸمٸز جٶن. سوندا عانا بٸزدە جەمقور مەن پاراقور ازايىپ, ەل دامي باستايدى.
