Ulttyq qoǵamdyq keńestiń múshesi Muhtar Taijan uiymǵa kirýdegi óziniń maqsattaryn aitty, dep habarlaidy "QazAqparat".
Qoǵam qairatkeri Muhtar Taijan Ulttyq qoǵamdyq keńes shynaiy dialog alańyna ainalady degen pikir bildirdi.
«Óz basym burynnan aityp kele jatyrmyn. Bilik pen qoǵam arasynda dialog quratyn júie bolý kerek. Sondyqtan, biliktiń naqty osy qadamyn qoldaimyn. Mundai turaqty túrde jumys isteitin jiyn bárimizge qajetti dep bilemin. Bizdiń Qazaqstanymyz bolashaqta órkenietti, quqyqtyq, demokratiialyq, shynaiy naryqtyq memleketke ainalýy kerek. Bul keńeske kirýdegi ózimniń maqsatym osy. Biz keleshek urpaqqa óte órkenietti memleketti qaldyryp ketýimiz qajet. Osy keńes sol basty maqsatymyzǵa naqty qadam bolady dep úmittenemin. Sondyqtan óz basym keńestiń jumysyna atsalysýǵa daiynmyn», - degen saiasatker keńestiń jumysy ashyq bolatynyna senim bildirdi.
«Bizdiń jumysymyz mindetti túrde ashyq bolady. Óz maqsatymyzdy ózgertpeimiz. Birte-birte ortaq maqsatqa jetemiz degen úmit bar. Eń bastysy, keńestiń jumysynda eshqandai sheńber joq. El ómirin jaqsartýǵa qatysty sharýalardyń bárin qamtityn bolady.
Jumystyń basynda pessimizmnen aýlaqpyn. Jumysty bastaiyq aldymen, jarty jylda túk nátije bolmasa, synnyń jóni bolady. Al qazir jumys bastamai jatyp onyń qorytyndysyn aldyn ala shyǵarý ábden erte», - dedi Muhtar Taijan.
