"Oibai, bittik, tozdyq, qytailar qyzdarymyzdy alyp ketedi, arnaiy agenstvony ashyp qoidy".
"Oibai, jastarymyz ne bolmaq, 61 toby sekildi buzylyp bara jatyr emes pe?"
"Oibai, qazaq tilimiz ólip bara jatyr, ne isteimiz?"
Dostar, óz basym qazaq qyzdarymyzǵa da, jastarymyzǵa da senem, panikaǵa esh negiz kórip turǵan joqpyn. Jalpy, jastarymyz negizi qazaq tildi, rýhty, namysty.
1. Ózge ulttarǵa tigen qazaq qyzdarynyń ishinde 4-aq paiyz ǵana. Al qazaq jigitterdiń ishinde bundailar 8% quraidy. Negizi, internet bar kezde ózgelerge tiem, nemese ózge ulttan alam dep júrgen qyzdar men jigitter báribir bundai múmkindikti tabady. Biraq negizinde qyzdarymyz (96%!) qazaq jigitterdi tańdaidy. Qazaq jigitterdiń 92% qyzdardy óz ultynan alady. Negizi, ol úshin qyzdarymyzǵa da, jigitterge de basymyzdy iep dýǵai alǵys aitýymyz jón! Jalpy jastarymyzdy unatamyn.
2. Biz qurttai, kip-kishkentai ult emespiz. Shetelde turyp jatqan qandastarymyzdy sanamasaq ta ultymyz Qudaiǵa shúkir 12 mln astam quraidy, ol Qazaqstannyń 77%. Biz kórshilerimiz - qyrǵyzdardan, túrikmenderden, tájikterden, gúrjinderden, ázerbaijandardan, Baltiia ulttarynan (latysh, litva, estonetsterden), biraz Evropa ulttarynan (chehtardan, vengrlardan, bolgardardan, shveitsarlardan, avstriialardan, t.b.) sózsiz kóppiz.
3. Aitaiyn degenim, biz bir aýyldaǵy ult emespiz. Úlken ult bolǵan soń aramyzda józekshiler, nashaqorlar, alqashtar, qyz tekeler, satqyndar da bolýy múmkin. Adamnyń tabiǵaty sondai, basqa ulttar da solai ómir súrip jatyr ólmei. Aramyzda 0,0001% sondailar bolsa da jalpy ultymyz odan tozbaidy. Jalpy qyzdarymyz da, jastarymyz da myqty, rýhty, namysty bolyp qala beredi.
4. Jastarymyz - ultymyzdyń bolashaǵy. Jastar, iaǵni ultymyz, osy elde baqytty bolyp ómir súrý úshin, basqa elge qashyp ketpes úshin jumysty izdep, ózgelermen qosylmas úshin, jigitter er azamat bolý úshin, úige, elge tirek bolý úshin, Qazaq memleketi jastarǵa myqty bilim, turaqty jumys, jyly, yńǵaily baspanany berý kerek.
Qorytyndy, qyzdarymyz da, jalpy jastarymyz da jaman emes, jaqsy. Biraq biz olarǵa durys shart, ádiletti memleket qaldyrý mindetpiz. Onda nemerelerimiz de osy elde jaqsy ómir súredi.
Muhtar Taijannyń feisbýktaǵy jazbasynan
