مۇحتار تايجان. قازاق جاستارى بوسىپ كەتپەۋٸ ٷشٸن, مەملەكەت بار جاعدايىن جاساۋ كەرەك

دوستار, ٶز باسىم قازاق قىزدارىمىزعا دا, جاستارىمىزعا دا سەنەم, پانيكاعا ەش نەگٸز كٶرٸپ تۇرعان جوقپىن. جالپى, جاستارىمىز نەگٸزٸ قازاق تٸلدٸ, رۋحتى, نامىستى.

1. ٶزگە ۇلتتارعا تيگەن قازاق قىزدارىنىڭ ٸشٸندە 4-اق پايىز عانا. ال قازاق جٸگٸتتەردٸڭ ٸشٸندە بۇندايلار 8% قۇرايدى. نەگٸزٸ, ينتەرنەت بار كەزدە ٶزگەلەرگە تيەم, نەمەسە ٶزگە ۇلتتان الام دەپ جٷرگەن قىزدار مەن جٸگٸتتەر بەرٸبٸر بۇنداي مٷمكٸندٸكتٸ تابادى. بٸراق نەگٸزٸندە قىزدارىمىز (96%!) قازاق جٸگٸتتەردٸ تاڭدايدى. قازاق جٸگٸتتەردٸڭ 92% قىزداردى ٶز ۇلتىنان الادى. نەگٸزٸ, ول ٷشٸن قىزدارىمىزعا دا, جٸگٸتتەرگە دە باسىمىزدى يەپ دۋعاي العىس ايتۋىمىز جٶن! جالپى جاستارىمىزدى ۇناتامىن.

2. بٸز قۇرتتاي, كٸپ-كٸشكەنتاي ۇلت ەمەسپٸز. شەتەلدە تۇرىپ جاتقان قانداستارىمىزدى ساناماساق تا ۇلتىمىز قۇدايعا شٷكٸر 12 ملن استام قۇرايدى, ول قازاقستاننىڭ 77%. بٸز كٶرشٸلەرٸمٸز - قىرعىزداردان, تٷرٸكمەندەردەن, تەجٸكتەردەن, گٷرجٸندەردەن, ەزەربايجانداردان, بالتييا ۇلتتارىنان (لاتىش, ليتۆا, ەستونەتستەردەن), بٸراز ەۆروپا ۇلتتارىنان (چەحتاردان, ۆەنگرلاردان, بولگارداردان, شۆەيتسارلاردان, اۆسترييالاردان, ت.ب.) سٶزسٸز كٶپپٸز.

3. ايتايىن دەگەنٸم, بٸز بٸر اۋىلداعى ۇلت ەمەسپٸز. ٷلكەن ۇلت بولعان سوڭ ارامىزدا جٶزەكشٸلەر, ناشاقورلار, القاشتار, قىز تەكەلەر, ساتقىندار دا بولۋى مٷمكٸن. ادامنىڭ تابيعاتى سونداي, باسقا ۇلتتار دا سولاي ٶمٸر سٷرٸپ جاتىر ٶلمەي. ارامىزدا 0,0001% سوندايلار بولسا دا جالپى ۇلتىمىز ودان توزبايدى. جالپى قىزدارىمىز دا, جاستارىمىز دا مىقتى, رۋحتى, نامىستى بولىپ قالا بەرەدٸ.

4. جاستارىمىز - ۇلتىمىزدىڭ بولاشاعى. جاستار, ياعني ۇلتىمىز, وسى ەلدە باقىتتى بولىپ ٶمٸر سٷرۋ ٷشٸن, باسقا ەلگە قاشىپ كەتپەس ٷشٸن جۇمىستى ٸزدەپ, ٶزگەلەرمەن قوسىلماس ٷشٸن, جٸگٸتتەر ەر ازامات بولۋ ٷشٸن, ٷيگە, ەلگە تٸرەك بولۋ ٷشٸن, قازاق مەملەكەتٸ جاستارعا مىقتى بٸلٸم, تۇراقتى جۇمىس, جىلى, ىڭعايلى باسپانانى بەرۋ كەرەك.

قورىتىندى, قىزدارىمىز دا, جالپى جاستارىمىز دا جامان ەمەس, جاقسى. بٸراق بٸز ولارعا دۇرىس شارت, ەدٸلەتتٸ مەملەكەت قالدىرۋ مٸندەتپٸز. وندا نەمەرەلەرٸمٸز دە وسى ەلدە جاقسى ٶمٸر سٷرەدٸ.