Qarasam, keshegi prezident úndeýine senbeýshilik bar, pessimizm basym. Durys, árine, halyq jyldar boiy qansha aldandy?! Biraq osy joly múlde basqasha bolady dep senemin. Nege?
Sebebi munai 120 doll/barr emes, eki jyl 50-den kem bolatyn. Syrtqy qaryz degen sumdyq, bilesizder, 163 mlrd doll. Ulttyq kompaniialar - bankrot, bankter - bankrot, zeinetaqy qory ábden qor boldy. Jemqorlyq bul júieni tipti alǵa bastyrmai qoidy. Apta saiyn "skandal", qamaý. Halyq pen bilik arasyndaǵy senim múlde joǵaldy. Olar da buny anyq kórip otyr.
Sondyqtan biz keshegi úndeýdi paidalanǵanymyz jón. Demokratizatsiia dep aityldy ma? Endi isteńder! Eń bastysy, bizge adal sailaý kerek. Halyqqa jaqyn parlament kerek. Sonda ǵana úkimet halyqqa tiimdi saiasatyn júrgeze bastaidy.
Demokratizatsiia bola ma, joq pa - ol da ózimizge bailanysty. Árine eshkim bizge peiishti aiaqasty syiǵa tartpaidy. Ózimiz talap etýimiz kerek. Prezidenttiń ózi aitty ǵoi, demokratizatsiiany ornataiyq dep.
Nege qoǵamdyq keńester qaptap ketti? Akimattar bylai tursyn, ár memorgan ózine bir qoǵamdyq keńesin ashyp qoidy. Ne sebepti? Sebebi maslihattar - ótirik, maslihatta otyrǵan depýtattardy halyq tanymaidy. Shynaiy maslihattar kerek ekeni anyq.
Jergilikti ákimderdi de halyq sailaý kerek. Oblys, aýdan ákimderi sailaný kerek! Sonda ǵana jergilikti jemqorlyq azaiady. Ákimder halyqqa jaqyn bolady.
Gorbachev atamyz esterińde me? "Perestroikany" nege bastady? Sebebi júie shydamai, álsiz, bankrot bop tyndy. Amaly joqtan bastady. "Perestroikany" kóz boiaýshylyqpen bastaǵan soń aqyry qatyp qalǵan jabyq sovettik júieni qulatty.
Qorytyndy: qazir eldiń máselesi ózimizdiń tabandylyǵymyzǵa táýeldi bop tur. Parlamentke, maslihattarǵa depýtattardy, odan bólek ákimderdi adal sailaýdy talap etýimiz kerek. Meniń pikirim - osy.
Muhtar Taijannyń feisbýktaǵy paraqshasynan
