قاراسام, كەشەگٸ پرەزيدەنت ٷندەۋٸنە سەنبەۋشٸلٸك بار, پەسسيميزم باسىم. دۇرىس, ەرينە, حالىق جىلدار بويى قانشا الداندى?! بٸراق وسى جولى مٷلدە باسقاشا بولادى دەپ سەنەمٸن. نەگە?
سەبەبٸ مۇناي 120 دولل/بارر ەمەس, ەكٸ جىل 50-دەن كەم بولاتىن. سىرتقى قارىز دەگەن سۇمدىق, بٸلەسٸزدەر, 163 ملرد دولل. ۇلتتىق كومپانييالار - بانكروت, بانكتەر - بانكروت, زەينەتاقى قورى ەبدەن قور بولدى. جەمقورلىق بۇل جٷيەنٸ تٸپتٸ العا باستىرماي قويدى. اپتا سايىن "سكاندال", قاماۋ. حالىق پەن بيلٸك اراسىنداعى سەنٸم مٷلدە جوعالدى. ولار دا بۇنى انىق كٶرٸپ وتىر.
سوندىقتان بٸز كەشەگٸ ٷندەۋدٸ پايدالانعانىمىز جٶن. دەموكراتيزاتسييا دەپ ايتىلدى ما? ەندٸ ٸستەڭدەر! ەڭ باستىسى, بٸزگە ادال سايلاۋ كەرەك. حالىققا جاقىن پارلامەنت كەرەك. سوندا عانا ٷكٸمەت حالىققا تيٸمدٸ ساياساتىن جٷرگەزە باستايدى.
دەموكراتيزاتسييا بولا ما, جوق پا - ول دا ٶزٸمٸزگە بايلانىستى. ەرينە ەشكٸم بٸزگە پەيٸشتٸ اياقاستى سىيعا تارتپايدى. ٶزٸمٸز تالاپ ەتۋٸمٸز كەرەك. پرەزيدەنتتٸڭ ٶزٸ ايتتى عوي, دەموكراتيزاتسييانى ورناتايىق دەپ.
نەگە قوعامدىق كەڭەستەر قاپتاپ كەتتٸ? اكيماتتار بىلاي تۇرسىن, ەر مەمورگان ٶزٸنە بٸر قوعامدىق كەڭەسٸن اشىپ قويدى. نە سەبەپتٸ? سەبەبٸ ماسليحاتتار - ٶتٸرٸك, ماسليحاتتا وتىرعان دەپۋتاتتاردى حالىق تانىمايدى. شىنايى ماسليحاتتار كەرەك ەكەنٸ انىق.
جەرگٸلٸكتٸ ەكٸمدەردٸ دە حالىق سايلاۋ كەرەك. وبلىس, اۋدان ەكٸمدەرٸ سايلانۋ كەرەك! سوندا عانا جەرگٸلٸكتٸ جەمقورلىق ازايادى. ەكٸمدەر حالىققا جاقىن بولادى.
گورباچەۆ اتامىز ەستەرٸڭدە مە? "پەرەسترويكانى" نەگە باستادى? سەبەبٸ جٷيە شىداماي, ەلسٸز, بانكروت بوپ تىندى. امالى جوقتان باستادى. "پەرەسترويكانى" كٶز بوياۋشىلىقپەن باستاعان سوڭ اقىرى قاتىپ قالعان جابىق سوۆەتتٸك جٷيەنٸ قۇلاتتى.
قورىتىندى: قازٸر ەلدٸڭ مەسەلەسٸ ٶزٸمٸزدٸڭ تاباندىلىعىمىزعا تەۋەلدٸ بوپ تۇر. پارلامەنتكە, ماسليحاتتارعا دەپۋتاتتاردى, ودان بٶلەك ەكٸمدەردٸ ادال سايلاۋدى تالاپ ەتۋٸمٸز كەرەك. مەنٸڭ پٸكٸرٸم - وسى.
مۇحتار تايجاننىڭ فەيسبۋكتاعى پاراقشاسىنان
