Álem aqyny Muhtar Shahanovtyń 75 jyldyq mereitoiy týǵan jeri Otyrar aýdanynda bastaldy. Jerlesteri álemdik deńgeide moiyndalǵan perzentin Shilik aýylyndaǵy qaqpadan saltanatty rásimmen qarsy alyp, dám-tuzyn usyndy. Odan ári mereitoi iesi el-jurtymen bir-ge Arystanbab kesenesine ziiarat etip, árýaqtardyń rýhyna Quran baǵyshtady. Otyrartóbe qalashyǵyn aralap, kórme jádigerlerimen tanysty. «Alash» etnoaýylynda ulttyq salt-dástúrleri-mizdi tamashalady.
Aýdandyq Mádeniet saraiynda jerlesteri talantty perzentin aq býraǵa mingizip, qoshemet kórsetti. «Qazaqty álemge tanytqan tarlan aqyn» atty tanymdyq-taǵlymdyq kezdesýde aýdan ákimi Erlan Aitahanov Muhtar Shahanovtyń kórnekti memleket qairatkeri ári talantty aqyn retindegi qyryna toqtalyp, mereitoiymen quttyqtap, iyǵyna shapan japty. Oblystyq mádeniet basqarmasy basshysynyń orynbasary Asylhan Temirhan aqynnyń adamzattyq máselelerdiń sheshimin tabýǵa belsene kirisetin qasietine jan-jaqty toqtalyp, mereitoi iesine syi-qurmet kórsetti. Al, ǵalym Taljan Raiymberdiev M.Shahanovtyń ádebiet pen qoǵamǵa sińirgen eńbegi eskerilip, Túrkiianyń «Túrkitildes halyqtar arasyndaǵy eń úzdik álem aqyny» syilyǵyn ielengenin, túrik elinde qazaq ulyna jasalǵan qurmet-qoshemetke kýá bolǵanyn qyzyqty áńgimeledi. Kompozitor Qaldybek Qurmanáli Shahanovtyń án shyǵarýshylyq qyryn áńgime-sine arqaý etti.
Mereitoi barysynda «Saq» kinostýdiiasy tartý etken «Otyrardy qorǵaý» animatsiialyq filmi kópshiliktiń qyzyǵýshylyǵyn týdyrdy. Film rejisseri Batyrhan Dáýrenbekov «Muhtar aǵamyzdyń poeziia syanimatsiiaǵa, mýltfilm jasaýǵa suranyp tur. Tarihi oqiǵalardy arqaý etken óleńderine aldaǵy kezde de animatsiialyq filmder túsiremiz. Bul jastardy patriottyqqa baýlýda óte qajet» dedi.
Halyqaralyq «Alash» ádebi syilyǵynyń iegeri, aqyn Hanbibi Esenqaraqyzy kesh iesi jaiynda tartymdy estelik aitsa, Qazaqstannyń halyq aqyny Áselhan Qalybekova, Bekarys Shoibekov, Begaman Sultaev arnaý jyrlaryn oqydy. Muhtar Shahanov pen kompozitor Shámshi Qaldaiaqov «Aq bantik» ánin arnaǵan Fatima hanymnyń kezdesýge qatysyp, kesh iesine ystyq lebizin jetkizýi áserli shyqty. Ustaz Jumakúl Nálibaeva óleń-jyrmen órnektep júrgizgen shyǵarmashylyq keshte aqyn jyrlarynan úzindiler oqylyp, ánderi shyrqaldy. «Tórt ana» óleńi álemniń 20-dan astam memleketiniń oqýlyǵyna engen qairatker tulǵaǵa balaýsa aqyndar Bazarbek Bekjan men Gaýhar Júsipálieva arnaý jyrlaryn oqyp, tusaýyn kestirdi.
M.Shahanovtyń mereitoiy aldaǵy kúzde oblys ortalyǵynda keń aýqymda atalyp ótiledi. Sondai-aq, Túrkiia, Japoniia, Angliia sekildi memleketter de aqynnyń mereitoiyn atap ótýge yqylas tanytýda.
Úmithan ALTAEVA, «Ońtústik Qazaqstan».
