Jelide belgili aqyn Muhtar Shahanovty "Qarttar úiine ótkizip jiberipti" degen jalǵan aqparat taraǵan bolatyn. Bul jaitqa bailanysty qalamgerdiń ózi pikir bildirdi, dep habarlaidy "Ult aqparat".
Aqyn qarttar úiinde emes, óz úiinde otyrǵanyn aityp, jelide jalǵan habar taratqan adamdarǵa renishin bildirgen.
"Men óz úiimde otyrmyn. Osy úide meniń tolyp jatqan kitaptarym, ártúrli adamdarmen birge túsken sýretterimniń bári tur. Sondyqtan men týraly ósek taratqandardy keshirmeimin, olardy kerek bolsa sotqa beremin. Óitkeni meniń áielim - Hanshaiym Búginqyzy barlyq kezde men degende ishken asyn jerge qoiady. Sol áielimniń arqasynda Qudaiǵa shúkir osylai aman-saý kele jatyrmyn. Sondyqtan maǵan osyndai bylapyt sózder aityp, meniń abyroiymdy tókken adamdardy kerek bolsa, halyqaralyq sotqa beremin", - deidi Muhtar Shahanov.
Aita keteiik, buǵan deiin qalamger Qudiiar Bilál Facebook paraqshasynda Muhtar Shahanovty "Qarttar úiine ótkizip jiberipti" degen jalǵan aqparat taraǵanyn jazǵan bolatyn.
