«Nur Otan» partiiasy Tóraǵasynyń Birinshi orynbasary jumys saparymen Qostanai oblysynyń, Meńdiqara aýdanynda boldy. Muhtar Qul-Muhammed egin jinaý naýqanynyń barysymen tanysyp, sharýalarmen jer reformasy jónindegi komissiia jumysynyń qorytyndysyn talqylady, - dep jazady "Ult aqparat".
Qostanai oblysy boiynsha ǵana emes, jalpy Qazaqstandaǵy eń úzdik fermerlik sharýashylyqtardyń biri - «Qarqyn» agrofirmasy Meńdiqara aýdanynda ornalasqan. Ony belgili fermer – «Qazaqstannyń Eńbek Eri» - Sairan Buqanov basqarady. Sharýashylyqta 36 myń gektar paidalanýǵa berilgen jer, 17 zamanaýi kombain, 54 traktor, bidaidy óńdeitin jáne saqtaityn ozyq keshen, sondai-aq, altyjúzden astam mal basy bar. Agrofirma aýyldaǵy júzdegen úilerdi jumyspen qamtamasyz etip otyr.
Osy aptada eń qarbalas kezeń – egin jinaý naýqany bastalady. Eginshiler «Nur Otan» partiiasy Tóraǵasynyń Birinshi orynbasaryn kúzgi egistik jumystaryna saqadai-sai ekenderinen habardar etti: tehnika daiyn, janar-jaǵarmaiǵa bailanysty týyndaǵan qiyndyq joq, aýa raiynyń boljamy kún shyraiynyń jaqsy bolatynyn ańǵartady. Astyq ónimi de mol bolýǵa tiis – gektarynan kem degende 20 tsentner ónim alynady dep kútilýde.
"Sońǵy ýaqyttary bizdiń óńirimizde oń ózgeristerdiń nyshany baiqalady. Aýylymyzdyń qalai kórkeiip jatqanyna, qarańyzshy! Biz de ózgerdik. Osynyń bári de Prezidentimizdiń qoldaýynyń arqasynda. Memleket te qolynan kelgen kómegin kórsetýde. Maily daqyldardy, dándi daqyldardy, janar-jaǵar maidy sýbsidiialap jatyr. Qazir naryqta dizeldik otynnyń baǵasy sharyqtap tur, al, biz ony óte qolaily baǵamen 96 teńgeden aldyq. Bul neni ańǵartady? Eger jerde jumys isteý igilikke ainalsa – jaqsy ómir súrýge bolady. Bizdiń Liderimiz sol úshin barlyq jaǵdaidy jasady», - deidi mańdai terin jerge tógip júrgen sharýa Sairan Buqanov.
«Qarqyn» agrofirmasynyń basshysy Elbasynyń pármenimen qurylyp, ótken aptada óz jumysyn támámdaǵan jer reformasy jónindegi komissiianyń quramynda boldy. Ol aýyldyń jer máselesine qatysty talqylaý barysyn jiti baqylaǵanyn jáne onyń nátijesine kóńilderiniń tolatyndyqtaryn jetkizdi.
Óz kezeginde komissiia tóraǵasynyń orynbasary bolǵan Muhtar Qul-Muhammed «jer reformasy jónindegi jalpyhalyqtyq kelissózdiń barlyq qatysýshylary jerge sharýaqor qojaiynnyń kerek ekeni jóninde bailamǵa keldi jáne bul komissiia jumysynyń negizgi qorytyndysy boldy» dep atap ótti.
"Jerge ony qunarlandyryp, jańa tehnika alyp, ozyq agrotehnologiiany engizetin sharýaqor qojaiyn kerek. Sol kezde ǵana biz jerden paida tabamyz. «Qarqyn» agrofirmasy men onyń direktory Sairan Buqanov osyndai úlgi alarlyq sharýashylyq bolyp tabylady», - dedi «Nur Otan» partiiasy Tóraǵasynyń Birinshi orynbasary.
Sondai-aq Muhtar Qul-Muhammed Eýraziialyq Ekonomikalyq Odaq pen onyń ótkizýge bolatyn milliondaǵan naryǵy bar áleýetin qazaqstandyq fermerlerdiń tiimdi paidalana bilýi kerek ekenine toqtaldy.
"Myna zamanda kim básekege qabiletti ónim shyǵarsa - sol utady», - dep túiindedi oiyn Muhtar Qul-Muhammed.
«Qarqyn» agrofirmasy jumys sapasy boiynsha ǵana emes, áleýmettik jaýapkershiligi jóninen de ózgelerge úlgi bolyp keledi. Sharýashylyq jergilikti turǵyndardy jumyspen qamtamasyz etedi, mektepterge, bala-baqshalarǵa jetekshilik jasaidy, abattandyrýǵa da kómek kórsetedi. Jumys sapary barysynda «Nur Otan» partiiasy Tóraǵasynyń Birinshi orynbasary Eńbek Eri Sairan Buqanovtyń aýylsharýashylyǵy birlestiginiń arqasynda aýyl ortalyǵynda salynǵan saiabaqta boldy.
Ult portaly
.jpeg)