«نۇر وتان» پارتيياسى تٶراعاسىنىڭ بٸرٸنشٸ ورىنباسارى جۇمىس ساپارىمەن قوستاناي وبلىسىنىڭ, مەڭدٸقارا اۋدانىندا بولدى. مۇحتار قۇل-مۇحاممەد ەگٸن جيناۋ ناۋقانىنىڭ بارىسىمەن تانىسىپ, شارۋالارمەن جەر رەفورماسى جٶنٸندەگٸ كوميسسييا جۇمىسىنىڭ قورىتىندىسىن تالقىلادى, - دەپ جازادى "ۇلت اقپارات".
قوستاناي وبلىسى بويىنشا عانا ەمەس, جالپى قازاقستانداعى ەڭ ٷزدٸك فەرمەرلٸك شارۋاشىلىقتاردىڭ بٸرٸ - «قارقىن» اگروفيرماسى مەڭدٸقارا اۋدانىندا ورنالاسقان. ونى بەلگٸلٸ فەرمەر – «قازاقستاننىڭ ەڭبەك ەرٸ» - سايران بۇقانوۆ باسقارادى. شارۋاشىلىقتا 36 مىڭ گەكتار پايدالانۋعا بەرٸلگەن جەر, 17 زاماناۋي كومباين, 54 تراكتور, بيدايدى ٶڭدەيتٸن جەنە ساقتايتىن وزىق كەشەن, سونداي-اق, التىجٷزدەن استام مال باسى بار. اگروفيرما اۋىلداعى جٷزدەگەن ٷيلەردٸ جۇمىسپەن قامتاماسىز ەتٸپ وتىر.
وسى اپتادا ەڭ قاربالاس كەزەڭ – ەگٸن جيناۋ ناۋقانى باستالادى. ەگٸنشٸلەر «نۇر وتان» پارتيياسى تٶراعاسىنىڭ بٸرٸنشٸ ورىنباسارىن كٷزگٸ ەگٸستٸك جۇمىستارىنا ساقاداي-ساي ەكەندەرٸنەن حاباردار ەتتٸ: تەحنيكا دايىن, جانار-جاعارمايعا بايلانىستى تۋىنداعان قيىندىق جوق, اۋا رايىنىڭ بولجامى كٷن شىرايىنىڭ جاقسى بولاتىنىن اڭعارتادى. استىق ٶنٸمٸ دە مول بولۋعا تيٸس – گەكتارىنان كەم دەگەندە 20 تسەنتنەر ٶنٸم الىنادى دەپ كٷتٸلۋدە.
"سوڭعى ۋاقىتتارى بٸزدٸڭ ٶڭٸرٸمٸزدە وڭ ٶزگەرٸستەردٸڭ نىشانى بايقالادى. اۋىلىمىزدىڭ قالاي كٶركەيٸپ جاتقانىنا, قاراڭىزشى! بٸز دە ٶزگەردٸك. وسىنىڭ بەرٸ دە پرەزيدەنتٸمٸزدٸڭ قولداۋىنىڭ ارقاسىندا. مەملەكەت تە قولىنان كەلگەن كٶمەگٸن كٶرسەتۋدە. مايلى داقىلداردى, دەندٸ داقىلداردى, جانار-جاعار مايدى سۋبسيدييالاپ جاتىر. قازٸر نارىقتا ديزەلدٸك وتىننىڭ باعاسى شارىقتاپ تۇر, ال, بٸز ونى ٶتە قولايلى باعامەن 96 تەڭگەدەن الدىق. بۇل نەنٸ اڭعارتادى? ەگەر جەردە جۇمىس ٸستەۋ يگٸلٸككە اينالسا – جاقسى ٶمٸر سٷرۋگە بولادى. بٸزدٸڭ ليدەرٸمٸز سول ٷشٸن بارلىق جاعدايدى جاسادى», - دەيدٸ ماڭداي تەرٸن جەرگە تٶگٸپ جٷرگەن شارۋا سايران بۇقانوۆ.
«قارقىن» اگروفيرماسىنىڭ باسشىسى ەلباسىنىڭ پەرمەنٸمەن قۇرىلىپ, ٶتكەن اپتادا ٶز جۇمىسىن تەمەمداعان جەر رەفورماسى جٶنٸندەگٸ كوميسسييانىڭ قۇرامىندا بولدى. ول اۋىلدىڭ جەر مەسەلەسٸنە قاتىستى تالقىلاۋ بارىسىن جٸتٸ باقىلاعانىن جەنە ونىڭ نەتيجەسٸنە كٶڭٸلدەرٸنٸڭ تولاتىندىقتارىن جەتكٸزدٸ.
ٶز كەزەگٸندە كوميسسييا تٶراعاسىنىڭ ورىنباسارى بولعان مۇحتار قۇل-مۇحاممەد «جەر رەفورماسى جٶنٸندەگٸ جالپىحالىقتىق كەلٸسسٶزدٸڭ بارلىق قاتىسۋشىلارى جەرگە شارۋاقور قوجايىننىڭ كەرەك ەكەنٸ جٶنٸندە بايلامعا كەلدٸ جەنە بۇل كوميسسييا جۇمىسىنىڭ نەگٸزگٸ قورىتىندىسى بولدى» دەپ اتاپ ٶتتٸ.
"جەرگە ونى قۇنارلاندىرىپ, جاڭا تەحنيكا الىپ, وزىق اگروتەحنولوگييانى ەنگٸزەتٸن شارۋاقور قوجايىن كەرەك. سول كەزدە عانا بٸز جەردەن پايدا تابامىز. «قارقىن» اگروفيرماسى مەن ونىڭ ديرەكتورى سايران بۇقانوۆ وسىنداي ٷلگٸ الارلىق شارۋاشىلىق بولىپ تابىلادى», - دەدٸ «نۇر وتان» پارتيياسى تٶراعاسىنىڭ بٸرٸنشٸ ورىنباسارى.
سونداي-اق مۇحتار قۇل-مۇحاممەد ەۋرازييالىق ەكونوميكالىق وداق پەن ونىڭ ٶتكٸزۋگە بولاتىن ميلليونداعان نارىعى بار ەلەۋەتٸن قازاقستاندىق فەرمەرلەردٸڭ تيٸمدٸ پايدالانا بٸلۋٸ كەرەك ەكەنٸنە توقتالدى.
"مىنا زاماندا كٸم بەسەكەگە قابٸلەتتٸ ٶنٸم شىعارسا - سول ۇتادى», - دەپ تٷيٸندەدٸ ويىن مۇحتار قۇل-مۇحاممەد.
«قارقىن» اگروفيرماسى جۇمىس ساپاسى بويىنشا عانا ەمەس, ەلەۋمەتتٸك جاۋاپكەرشٸلٸگٸ جٶنٸنەن دە ٶزگەلەرگە ٷلگٸ بولىپ كەلەدٸ. شارۋاشىلىق جەرگٸلٸكتٸ تۇرعىنداردى جۇمىسپەن قامتاماسىز ەتەدٸ, مەكتەپتەرگە, بالا-باقشالارعا جەتەكشٸلٸك جاسايدى, اباتتاندىرۋعا دا كٶمەك كٶرسەتەدٸ. جۇمىس ساپارى بارىسىندا «نۇر وتان» پارتيياسى تٶراعاسىنىڭ بٸرٸنشٸ ورىنباسارى ەڭبەك ەرٸ سايران بۇقانوۆتىڭ اۋىلشارۋاشىلىعى بٸرلەستٸگٸنٸڭ ارقاسىندا اۋىل ورتالىعىندا سالىنعان ساياباقتا بولدى.
ۇلت پورتالى
.jpeg)