Batys Qazaqstan oblysyna kelgen «Nur Otan» partiiasy Tóraǵasynyń Birinshi orynbasary Muhtar Qul-Muhammed memlekettik baǵdarlamalardyń júzege asyrylý barysyna baqylaý júrgizip, birqatar kásiporynǵa bardy.
Buqtyrylǵan et óndirýmen aty shyqqan «Kýblei» jaýapkershiligi shekteýli seriktestigi búginde oblystaǵy eń iri kásiporyndardyń qatarynda. Indýstrialdy-innovatsiialyq damý memlekettik baǵdarlamasy men agroónerkásiptik keshendi damytý baǵdarlamalary aiasynda memleketten qoldaý kórip otyrǵan seriktestiktiń jylyna 5,5 myń tonnaǵa deiin et óndirýge tolyq múmkindigi bar. Qazirgi tańda kásiporyn óz ónimderin elimizdiń birneshe aimaǵyna jóneltip otyr. Sondai-aq, Resei, Iran siiaqty iri memleketterge eksporttap, óńirde eksporttyq-baǵdarlyq óndiristiń damýyna úlken úles qosyp keledi. Kásiporynnyń eńbek ujymymen kezdesken Muhtar Qul-Muhammed Elbasymyz aiqyndap bergen Qazaqstannyń úshinshi jańǵyrýyn júzege asyrýda «Kýblei» seriktestiginiń úlesi mol ekenin aitty.
Indýstrialdy-innovatsiialyq damý memlekettik baǵdarlamasynyń igiligin kórip otyrǵan oblystaǵy iri kásiporyndardyń taǵy biri «Steklo-servis» JShS de óz ónimderin eksporttaýda zor tabysqa qol jetkizýde. Termotózimdi áinek pen kópqabatty oqshaýlaǵysh buiymdar daiyndaityn kompaniia ónimderin Batys Qazaqstan, Atyraý, Aqtóbe, Mańǵystaý oblystarymen qatar, kórshi Resei Federatsiiasynyń birneshe aimaǵynashyǵarady «Nur Otan» partiiasy Tóraǵasynyń Birinshi orynbasary sapaly ónim óndirip otyrǵan kásiporynnyń jumysynalaiyqty baǵasyn berip, mundai joǵary tehnologiialyq óndiristiń keleshegi zor ekenin tilge tiek etti.
Osy rette Elbasymyzdyń indýstrialdy-innovatsiialyq damý baǵdarlamasy boiynsha tek Batys Qazaqstan oblysyna 340 milliard teńgeden astam qarajat bólinip, 30 joba naqty júzege asyrylǵanyn atap ótken jón. Soǵan orai óńirde jańa kásiporyndarǵa bilikti, kásibi maman daiarlaýǵa erekshe kóńil bólinýde. Osy turǵydan kelgende Oral gaz, munai jáne salalyq tehnologiialar kolledjiniń alar orny erekshe. Sondyqtanpartiia Tóraǵasynyń Birinshi orynbasary Elbasynyń dýaldi oqytý júiesin engizý jónindegi tapsyrmasynyń tabysty oryndalýyn qadaǵalaý maqsatynda atalǵan oqý ornyna arnaiy bardy.
– Elbasymyzdyń tikelei bastamasymen júzege asyrylyp jatqan dýaldi oqytý júiesiniń basty ereksheligi – jas talapkerdiń teoriialyq bilimmen qatar, praktikalyq bilimdi de tolyq igerip shyǵýyna jaǵdai jasaý. Sondyqtan 3-4-kýrsqa barǵan stýdentter az saǵatqa bolsa da jumysqa turyp, tiisti jalaqysyn alyp otyrýy kerek. Bul jastarymyzdyń bilikti maman bolyp shyǵýyna zor yqpalyn tigizetin bastama. Ekinshiden, kolledjden keiin joǵary oqý ornyna túskisi kelgen jastar birden ekinshi nemese úshinshi kýrstan qabyldanýy tiis. Sondyqtan osy baǵyttaǵy jumystardy kúsheitýimiz kerek, – dedi Muhtar Qul-Muhammed.
Sondai-aq, partiia Tóraǵasynyń Birinshi orynbasary jergilikti oqý oryndary munai-gaz salasyna maman daiarlaýdyń kólemin azaityp, kóp salaly tehnikalyq mamandyqtarǵa basymdyq berýi kerektigin aitty. «Sebebi, Batys Qazaqstan Elbasy aitqan ekonomikany ártaraptandyrý boiynsha Astanaǵa ǵana jol berip, oblystar arasynda kósh bastap tur. Búginde oblys kirisiniń 42 paiyzy shaǵyn jáne orta bizneske tiesili bolýy sonyń aiqyn dáleli. Osy múmkindikti tiimdi paidalana bilý kerek. Bul rette bilikti maman daiarlaýdyń da mańyzy joǵary», – dedi partiia Tóraǵasynyń Birinshi orynbasary.
Sonymen qatar sapar barysynda Muhtar Qul-Muhammed «Nurly jer» memlekettik baǵdarlamasy boiynsha salynyp jatqan 180 páterli turǵyn úidiń qurylysymen tanysty.
