Bul týraly «Nur Otan» partiiasy Tóraǵasynyń Birinshi orynbasary Muhtar Qul-Muhammed H.Dosmuhamedov atynaǵy Atyraý memlekettik ýniversitetiniń oqytýshy quramy jáne stýdentterimen kezdesýinde aitty.
Is-shara barysynda partiia Tóraǵasynyń Birinshi orynbasary atyraýlyq jastarǵa Alash partiiasynyń qurylý tarihy, Alash qairatkerleriniń maqsaty, ult úshin ózderin qurban etken batyl áreketteri týraly dáris oqydy.
– Alash ardagerleri jobalap, maqsat etken asyl ideialar táýelsiz Qazaqstan tusynda júzege asty. Ult rýhyn biiktetetin bul ideialar áli kúnge deiin óz qundylyǵyn joǵaltqan joq, – dedi Muhtar Qul-Muhammed.
Sonymen qatar, Muhtar Abraruly osydan 100 jyl buryn qurylǵan Alash avtonomiiasy qazaq halqynyń tuńǵysh ulttyq memlekettik qurylymy bolǵanyna nazar aýdardy. Alash qairatkerleriniń elge, ultqa sińirgen eńbegi týraly keńinen baiandaǵan Muhtar myrza Atyraý ýniversitetine esimi berilgen Halel Dosmuhamedovtiń qairatkerligine de erekshe toqtalyp ótti.
Sóz sońynda ult ziialysy jastardy bilim alýǵa shaqyryp ol úshin Elbasy barlyq jaǵdaidy jasaǵanyn jetkizdi. Odan bólek, kezdesýde Memleket basshysynyń batyl áreket etýiniń arqasynda búginde Qazaqstandy búkil álem tanidy. Endi osy tanymaldyǵymyzdy tarihymyzben sabaqtastyryp, ultymyzdyń saqtalyp qalýy jolynda ómirin bergen tarihi tulǵalarymyzdyń eńbekterin keńinen nasihattaýymyz kerektigi aityldy.
Biz Muhtar Qul-Muhammedti ult ziialysy dep tegin ataǵan joqpyz. Óitkeni, ulttyq óner, mádeniet, tarih jáne ádebietpen bite qainasyp, asyl qundylyqtarymyzdyń saqtalyp, bolashaq urpaqqa saf kúiinde jetýi úshin baryn salyp júrgen Muhtar Abraruly ultymyzdyń qazirgi tańdaǵy ziialylarynyń biri ǵana emes, biregeii. Sondyqtan onyń Alash qairatkerleriniń igi isterine nazar aýdarýy zańdylyq dep bilemiz.
