Búgin Almaty qalasynyń soty BTA bankiniń burynǵy basshysy Muhtar Ábiliazov pen onyń sybailastaryna qatysty óz úkimin shyǵardy, dep habarlaidy "Ult aqparat" QazAqparat agenttigine silteme jasap.
«Ábiliazov kináli dep tanylyp, 20 jylǵa bas bostandyǵynan aiyrý men 300 AEK kólemindegi aiyppuldy tóleý jazasyna kesilsin. Budan bólek, onyń barlyq múlki tárkilenip, úsh jylǵa deiin bank qyzmetimen ainalysýǵa tyiym salynsyn. Al jazany óteitin mekemede qaýipsizdik sharalary barynsha qatań bolýy shart», - dedi sýdia.
Ábiliazovtyń sybailasy Jaqsylyq Jarymbetov 5 jylǵa shartty túrde sottaldy. Sondai-aq ol 300 AEK kóleminde aiyppul tóleýge mindettelip otyr. Oǵan da úsh jylǵa deiin bank qyzmetimen ainalysýǵa bolmaidy. Qairat Sadyqov 15 jylǵa bas bostandyǵynan aiyryldy. Ony sot zalynan birden túrmege áketti. Budan bólek, Sadyqov 300 AEK kóleminde aiyppul tólep, barlyq múlkin memleketke tapsyrýy tiis. Al Sádýaqas Mámesh 5 jylǵa sottaldy. Alaida ol óz jazasyn shartty túrde óteidi.
Aita keteiik, 3 sáýirde Almatyda BTA banki boiynsha sot otyrysy bastalǵan bolatyn. Oǵan Ábiliazovtyń burynǵy orynbasary Jaqsylyq Jarymbetov, nesielendirý boiynsha direktory qyzmetin atqarǵan Qairat Sadyqov jáne basqarmanyń eks-tóraǵasy Sádýaqas Mámesh qatysty. Ábiliazovqa qatysty sot úkimi syrttai shyǵaryldy. 2009 jyldan beri burynǵy bankir shetelde boi tasalap júrdi. Qazirgi kezde ol Frantsiiada turady.
Buǵan deiin «BTA Banki» AQ-nyń basqarma basshysynyń burynǵy orynbasary Jaqsylyq Jarymbetov arnaiy baspasóz máslixatyn ótkizip, ózine qatysty taralyp jatqan alyp-qashpa áńgimelerdi joqqa shyǵarǵan bolatyn. Sol jerde ol shetelge ne úshin qashyp ketkenin aityp berdi.
