Ainalaiyn, qajylar, sizderge ótinish qajylyqqa baryp alyp, jumaqpen súiinshilengen jandai selfiletip sýretke túsip ony elge internetke jariialaýdy qoisańyzdar. Ne masqara bul?!
Estimegen elde kóp degen. Keshe pálenbei adamǵa aýyz ashar berip jatqan kezim, aýzymdy aýshyp jatqan kezim, jaýyp jatqan kezim dep orazada bolmap edi endi qajylyqqa baryp Qaǵbanyń aldynda turyp sálfiletip turysyń mynaý. Qai sasqanyń? Riiashyldyq degen barlyq qajylyǵyńmen qosa ómirińdi jutyp jiberetinin bilmeisiń be? Mahsharda Alla saǵan "Men úshin ne istediń?" dese "Sen úshin qajylyq jasadym" deisiń be? "Joq, ony el kórý úshin jasadyń, rasynda kórdi" dese ne deisiń? Múmkin Arafatta perishtelermen sálfi jasarsyń? Basyńdy sájdege qoiyp jyla da bir qolyńmen túsirip "jylap aqyretti oilap jatqan kezim" dep te tússei sýretke. Joq bylai de: «Aqyrette tozaqqa ketip qalamyn ba, qajylyǵym qabyl bolmai qala ma?» degen kezim dep te bir túsip qoi. Shaitanǵa tas laqtyratyn jerge bar de shaitanmen de birge tús. Sosyn ony Instragamǵa qoisai ataqty bolasyń laiyqty kóp jinaisyń biraq saýap jinai almaisyń. Sen ózińdi óltirip tyndyń ǵoi myna qylyǵyńmen. Álemge Qaǵbaǵa art qarap, qyryn qarap turǵanyńdy jariialadyń ǵoi.Aqyrette de solai qalyp qoiamyn dep qoryqpaisyń ba? Shirkin adam degen munshalyqty abyroisyz bola ma? Múmkin erteń janazańdy shyǵaryp jatqanda ony da qoiarsyń Fbǵa, Insqa. Ólip jatqan kezim, ainalamdaǵylar meniń dostarym qarańdar kóp jinalypty iaǵni kóp laiyk dep. Jalpy Fb, Ins degender erikkenniń ermegi ǵoi. Ásirsese Ins degen naǵyz ózimshildik ordasy ǵoi. Sol ermekke sen kelip qajylyǵyńdy, namazyńdy, orazańdy qoiǵanyń ne? Múmkin qabirden de Múnkár, Nánkúrmen de sálfi jasarsyń. «Mynaý meni eki perishte ómrińdi qalai ótkizdiń dep surap jatqan kezderi dep. Ómirin ózgege jarnamalap sýretpen ótkizgenniń aqyrette tek sýret ómiri ǵana qalady baýyrym.
Iá, myna zaman Islamnyń rýhy ólgen zaman. Joq ol ólgen joq, musylmandar ózderi óltirdi. Bárimiz ólige ainaldyq. Keshegi musylmannyń maǵlumaty tarydai, imany taýdai edi, qazirgi musylmannyń maǵlumaty taýdai, imany tarydai boldy. Burynǵy qajylardyń kózinen jas ketpeitin bolsa búgingi qajylardyń júzinen kúlki keppeitin boldy. Qajylyq týrizmge, instragamdaǵy egoizmge ainaldy. Mendei qap-qara kúnáharlar qajylar kelse qolynan súiýshi edik, áýlie kórýshi edik, táý etýshi edik al endi Shoý etetin boldyq. Tek toilar men telearnalar ǵana emes ǵibadattarda da shýǵa ainala bastady. Aqyrzaman jaqyndady. Alladan basqa kómekshi joq, Alladan basqa járdemshi joq, Odan basqa kúsh pen qýat ta joq.
Iá, Adam pende páni adamdarǵa tanylsam dep armandaidy. Aqyry Baqi Iesine tanylmai qurdymǵa qulaidy…
