اينالايىن, قاجىلار, سٸزدەرگە ٶتٸنٸش قاجىلىققا بارىپ الىپ, جۇماقپەن سٷيٸنشٸلەنگەن جانداي سەلفيلەتٸپ سۋرەتكە تٷسٸپ ونى ەلگە ينتەرنەتكە جارييالاۋدى قويساڭىزدار. نە ماسقارا بۇل?!
ەستٸمەگەن ەلدە كٶپ دەگەن. كەشە پەلەنبەي ادامعا اۋىز اشار بەرٸپ جاتقان كەزٸم, اۋزىمدى اۋشىپ جاتقان كەزٸم, جاۋىپ جاتقان كەزٸم دەپ ورازادا بولماپ ەدٸ ەندٸ قاجىلىققا بارىپ قاعبانىڭ الدىندا تۇرىپ سەلفيلەتٸپ تۇرىسىڭ مىناۋ. قاي ساسقانىڭ? ريياشىلدىق دەگەن بارلىق قاجىلىعىڭمەن قوسا ٶمٸرٸڭدٸ جۇتىپ جٸبەرەتٸنٸن بٸلمەيسٸڭ بە? ماحشاردا اللا ساعان "مەن ٷشٸن نە ٸستەدٸڭ?" دەسە "سەن ٷشٸن قاجىلىق جاسادىم" دەيسٸڭ بە? "جوق, ونى ەل كٶرۋ ٷشٸن جاسادىڭ, راسىندا كٶردٸ" دەسە نە دەيسٸڭ? مٷمكٸن ارافاتتا پەرٸشتەلەرمەن سەلفي جاسارسىڭ? باسىڭدى سەجدەگە قويىپ جىلا دا بٸر قولىڭمەن تٷسٸرٸپ "جىلاپ اقىرەتتٸ ويلاپ جاتقان كەزٸم" دەپ تە تٷسسەي سۋرەتكە. جوق بىلاي دە: «اقىرەتتە توزاققا كەتٸپ قالامىن با, قاجىلىعىم قابىل بولماي قالا ما?» دەگەن كەزٸم دەپ تە بٸر تٷسٸپ قوي. شايتانعا تاس لاقتىراتىن جەرگە بار دە شايتانمەن دە بٸرگە تٷس. سوسىن ونى ينستراگامعا قويساي اتاقتى بولاسىڭ لايىقتى كٶپ جينايسىڭ بٸراق ساۋاپ جيناي المايسىڭ. سەن ٶزٸڭدٸ ٶلتٸرٸپ تىندىڭ عوي مىنا قىلىعىڭمەن. ەلەمگە قاعباعا ارت قاراپ, قىرىن قاراپ تۇرعانىڭدى جارييالادىڭ عوي.اقىرەتتە دە سولاي قالىپ قويامىن دەپ قورىقپايسىڭ با? شٸركٸن ادام دەگەن مۇنشالىقتى ابىرويسىز بولا ما? مٷمكٸن ەرتەڭ جانازاڭدى شىعارىپ جاتقاندا ونى دا قويارسىڭ فبعا, ينسقا. ٶلٸپ جاتقان كەزٸم, اينالامداعىلار مەنٸڭ دوستارىم قاراڭدار كٶپ جينالىپتى ياعني كٶپ لايىك دەپ. جالپى فب, ينس دەگەندەر ەرٸككەننٸڭ ەرمەگٸ عوي. ەسٸرسەسە ينس دەگەن ناعىز ٶزٸمشٸلدٸك ورداسى عوي. سول ەرمەككە سەن كەلٸپ قاجىلىعىڭدى, نامازىڭدى, ورازاڭدى قويعانىڭ نە? مٷمكٸن قابٸردەن دە مٷنكەر, نەنكٷرمەن دە سەلفي جاسارسىڭ. «مىناۋ مەنٸ ەكٸ پەرٸشتە ٶمرٸڭدٸ قالاي ٶتكٸزدٸڭ دەپ سۇراپ جاتقان كەزدەرٸ دەپ. ٶمٸرٸن ٶزگەگە جارنامالاپ سۋرەتپەن ٶتكٸزگەننٸڭ اقىرەتتە تەك سۋرەت ٶمٸرٸ عانا قالادى باۋىرىم.
يە, مىنا زامان يسلامنىڭ رۋحى ٶلگەن زامان. جوق ول ٶلگەن جوق, مۇسىلماندار ٶزدەرٸ ٶلتٸردٸ. بەرٸمٸز ٶلٸگە اينالدىق. كەشەگٸ مۇسىلماننىڭ ماعلۇماتى تارىداي, يمانى تاۋداي ەدٸ, قازٸرگٸ مۇسىلماننىڭ ماعلۇماتى تاۋداي, يمانى تارىداي بولدى. بۇرىنعى قاجىلاردىڭ كٶزٸنەن جاس كەتپەيتٸن بولسا بٷگٸنگٸ قاجىلاردىڭ جٷزٸنەن كٷلكٸ كەپپەيتٸن بولدى. قاجىلىق تۋريزمگە, ينستراگامداعى ەگويزمگە اينالدى. مەندەي قاپ-قارا كٷنەھارلار قاجىلار كەلسە قولىنان سٷيۋشٸ ەدٸك, ەۋليە كٶرۋشٸ ەدٸك, تەۋ ەتۋشٸ ەدٸك ال ەندٸ شوۋ ەتەتٸن بولدىق. تەك تويلار مەن تەلەارنالار عانا ەمەس عيباداتتاردا دا شۋعا اينالا باستادى. اقىرزامان جاقىندادى. اللادان باسقا كٶمەكشٸ جوق, اللادان باسقا جەردەمشٸ جوق, ودان باسقا كٷش پەن قۋات تا جوق.
يە, ادام پەندە پەني ادامدارعا تانىلسام دەپ ارماندايدى. اقىرى باقي يەسٸنە تانىلماي قۇردىمعا قۇلايدى…
