Foto: Muhammed ál-Bashira azattyq.org
Siriiany shirek ǵasyrǵa jýyq bilep-tóstegen Bashar Asadtyń rejimi qulap, ózi Reseige qashyp ketkennen keiin basshysyz qalǵan eldegi ýaqytsha úkimetti Muhammed ál-Bashir basqarmaq. Bul jóninde seisenbi, 10 jeltoqsan kúni teleúndeýinde ál-Bashirdiń ózi málimdedi. Ol ýaqytsha úkimetti keminde 2025 jylǵy 1 naýryzǵa deiin basqaratynyn aitty. Bul týraly ult.kz Azattyq radiosyna silteme jasap habarlaidy.
Ál-Bashir úkimet basshylyǵyna kelmek degen jańalyqty osynyń qarsańynda Al Jazeera taratqan edi dep habarlady "Nastoiashee vremia" arnasy.
Qarashanyń aiaǵynda Asadqa qarsy kúshter jumyla tutqiyldan shabýylǵa shyǵyp, eki aptaǵa jeter-jetpes ýaqyt ishinde Siriiada bilikte otyrǵan rejimdi ornynan taidyryp jeńiske jetkenge deiin, Muhammed ál-Bashir kóterilisshilerdiń "Siriiany qutqarý úkimetin" basqarǵan. Bul qurylym Siriianyń soltústik-batysyndaǵy aýdandardy, sonyń ishinde Idlib provintsiiasyn da baqylaýda ustaǵan.
Muhammed ál-Bashirdi AQSh pen ózge de memleketter terroristik dep tanyǵan "Haiiat Tahrir ásh-Sham" (HTSh) tobynyń jetekshisi Ábý Muhammed ál-Jolanidiń jaqyn serigi dep ataidy. Siriia týraly habarlamalarda "HTSh" Asadqa qarsy kóterilisti bastaǵan kúsh retinde atalady.
Siriiada Bashar Asadtyń úkimetine qarsy qarýly toptar 27 qarashadan bastap belsendi is-qimylǵa kóshe bastaǵan. Olar shapshań jylji otyryp, birer kúnniń ishinde eldegi birqatar iri qalany aldy. Jeksenbi, 8 jeltoqsanǵa qaraǵan túni kóterilisshiler Siriianyń astanasy Damask qalasyn ózine qaratqany týraly málimdeme jasady. Siriiadan qashqan prezident Bashar Asadty Resei panalatty. Kóterilisshiler jetekshileri jańa úkimetti halyq ózi sailaidy dep ýáde berip otyr.
2011 jyldan bastap Siriiada azamat soǵysy jalǵasyp jatyr. Resei Siriiadaǵy azamat soǵysyna 2015 jyldan bastap prezident Asadtyń jaǵynda aralasa bastaǵan. Resei áskeri ushaqtary kóterilisshilerge áýeden shabýyldap, qanǵa bóktirgen. Buǵan qosa Resei kúshteri qurlyqtaǵy opertsiialarǵa qatysqan, ondai is-qimyldarǵa "Vagner" jekemenshik áskeri tobynyń jaldamaly sarbazdaryn da salǵan.
.jpg)