Biýdjet aqshasyn jymqyrdy degen kúdikke ilingen Ulttyq mýzeidiń direktory Arystanbek Muhamediulynyń kinási dáleldense jáne bul qylmys óz basshylyǵy tusynda jasalsa, Mádeniet jáne sport ministri Dáýren Abaev otstavkaǵa ketýge daiyn. Bul týraly ol Úkimet kýlýarynda málimdedi, dep habarlaidy Ulysmedia.kz.
"Eger ol is meniń kezimde jasalsa, men otstavkaǵa ketýge daiynmyn. Al onyń qashan jasalǵanyn Antikordan suraý kerek", - dedi Dáýren Abaev tilshiniń saýalyna bergen jaýabynda.
Eske sala keteiik, Dáýren Abaev biylǵy jyldyń 11 qańtarynda Mádeniet jáne sport ministri bolyp taǵaiyndalǵan.
Buǵan deiin Cybailas jemqorlyqqa qarsy qyzmet «Qazaqstan Respýblikasynyń Ulttyq mýzeii» RMQK laýazymdy tulǵalaryna qatysty «Altyn adamnyń álem mýzeilerine sherýi» halyqaralyq kórmesin ótkizý boiynsha Memlekettik satyp alý týraly shart aiasynda 146 mln teńge somasynda biýdjet qarajatyn jymqyrý belgileri boiynsha sotqa deiingi tergeý júrgizip jatqanyn habarlaǵan bolatyn.
28 mamyrda sot sanktsiiasymen Ulttyq mýzei direktory Arystanbek Muhamediulyna qatysty «kúzetpen ustaý» bultartpaý sharasy tańdalǵany belgili boldy.
