QR mádeniet jáne sport ministri Arystanbek Muhamediuly jeńil júristi qyzdardy qamshymen sabaǵan belgili reper Jan Ahmadievtiń beinejazbasyna qatysty túsinikteme berdi, dep habarlaidy Sputnik Qazaqstan tilshisi.
"Eger biz barlyq jaǵdaidy jasaǵanda, ol qyzdar kóshede turmaityn edi. Biz, kerisinshe, olardyń óz mamandyqtarymen ainalysýyna kómektesýimiz kerek. Mundai jaǵdaidyń kópshilikke taraǵany ókinishti-aq árine. Múmkin ol (reper – avtor eskerp.) óziniń atyn shyǵarǵysy kelgen shyǵar. Onyń ornyna sol qyzdarǵa jaqsy jumys taýyp bersin, jaǵdai jasasyn", — dep keńes berdi ministr "Jas Otan" jastar qanatynyń IV sezinen keiin.
Muhamediuly reperdi jazalaý-jazalamaý quqyq qorǵaý organdarynyń quzyretindegi másele ekenin atap ótti.
"Men azamat retinde múlde qoldamaimyn", — dedi ministr.
Eske salyp ótsek, "Qazaqpyz ǵoi" YouTube-arnasynda "jezókshelerdi qamshymen qýyp júrgen" reperdiń videosy jariialandy. Beinejazbada Jan Ahmadiev qalany aralap júrip, joldyń shetinde turǵan jezókshelermen sóilesedi. Áńgime barysynda ol kenetten qamshy alyp shyǵyp, qyzdardyń birin sabai bastaidy.
