- QR Mádeniet jáne sport ministri Arystanbek Muhamediuly abyroiyna nusqan keltirdi degen Talgad Janybekovke qatysty sot sheshimine orai óz pikirin bildirdi, dep habarlaidy Ult.kz tilshisi QazAqparat agenttigine silteme jasap.
«Meniń jeke basyma kúie jaqqannan keiin, men jala jabý baby boiynsha Talgad Janybekovti azamattyq sotqa berdim. Sotqa deiingi tergeý aiasynda, betpe-bet kezdesý kezinde Janybekov óz sózderiniń ótirik ekenin moiyndady. Meniń, bolmasa meniń qol astymdaǵy azamattardyń tikelei nemese deldal arqyly 100 myń dollar suratqanyn joqqa shyǵaryp, ondai oqiǵa eshqashan bolǵan joq dedi. Ol sondai-aq qolynda eshqandai dálel joqtyǵyn aitty»,-deidi ministr.
«Onyń múddesin qorǵaǵandar Janybekov maǵan kúie jaqqanyn moiyndap, qoǵam aldynda keshirim suraidy dep aitqan. Sodan keiin, men ózimniń aryzymdy alyp ketken edim. Biraq, ókinishke qarai, ol aramyzdaǵy «jigittik kelisimdi» oryndaǵan joq. Onymen qoimai, qoǵam arasynda men týraly teris pikir qalyptasýyna at salysty. Sodan keiin men qylmystyq ister jónindegi sotqa aryz túsirip, ony túzetý jumystaryna jegýdi talap ettim. Alaida, Janybekov sot otyrystaryna múlde kelgen joq. Búgin áiteýir sot otyrysy bitti ǵoi. Men Talgad Janybekovke 50 AEK kóleminde aiyppul salǵan sot sheshimine tolyq qanaǵattanamyn. Taǵy da qaitalap aitamyn, men Janybekovke osyndai jazadan qutylý úshin qolymnan kelgenshe kúttim»,-deidi A.Muhamediuly.
Aita keteiik, Astana qalasy Saryarqa aýdanynyń soty Mádeniet jáne sport ministri Arystanbek Muhamediulynyń ar-namysyna kúie jaqty dep, rejisser Talgad Janybekovke 1 600 000 teńge aiyppul saldy (500 ailyq eseptik kórsetkish).
