- قر مەدەنيەت جەنە سپورت مينيسترٸ ارىستانبەك مۇحامەديۇلى ابىرويىنا نۇسقان كەلتٸردٸ دەگەن تالگاد جانىبەكوۆكە قاتىستى سوت شەشٸمٸنە وراي ٶز پٸكٸرٸن بٸلدٸردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«مەنٸڭ جەكە باسىما كٷيە جاققاننان كەيٸن, مەن جالا جابۋ بابى بويىنشا تالگاد جانىبەكوۆتٸ ازاماتتىق سوتقا بەردٸم. سوتقا دەيٸنگٸ تەرگەۋ اياسىندا, بەتپە-بەت كەزدەسۋ كەزٸندە جانىبەكوۆ ٶز سٶزدەرٸنٸڭ ٶتٸرٸك ەكەنٸن مويىندادى. مەنٸڭ, بولماسا مەنٸڭ قول استىمداعى ازاماتتاردىڭ تٸكەلەي نەمەسە دەلدال ارقىلى 100 مىڭ دوللار سۇراتقانىن جوققا شىعارىپ, ونداي وقيعا ەشقاشان بولعان جوق دەدٸ. ول سونداي-اق قولىندا ەشقانداي دەلەل جوقتىعىن ايتتى»,-دەيدٸ مينيستر.
«ونىڭ مٷددەسٸن قورعاعاندار جانىبەكوۆ ماعان كٷيە جاققانىن مويىنداپ, قوعام الدىندا كەشٸرٸم سۇرايدى دەپ ايتقان. سودان كەيٸن, مەن ٶزٸمنٸڭ ارىزىمدى الىپ كەتكەن ەدٸم. بٸراق, ٶكٸنٸشكە قاراي, ول ارامىزداعى «جٸگٸتتٸك كەلٸسٸمدٸ» ورىنداعان جوق. ونىمەن قويماي, قوعام اراسىندا مەن تۋرالى تەرٸس پٸكٸر قالىپتاسۋىنا ات سالىستى. سودان كەيٸن مەن قىلمىستىق ٸستەر جٶنٸندەگٸ سوتقا ارىز تٷسٸرٸپ, ونى تٷزەتۋ جۇمىستارىنا جەگۋدٸ تالاپ ەتتٸم. الايدا, جانىبەكوۆ سوت وتىرىستارىنا مٷلدە كەلگەن جوق. بٷگٸن ەيتەۋٸر سوت وتىرىسى بٸتتٸ عوي. مەن تالگاد جانىبەكوۆكە 50 اەك كٶلەمٸندە ايىپپۇل سالعان سوت شەشٸمٸنە تولىق قاناعاتتانامىن. تاعى دا قايتالاپ ايتامىن, مەن جانىبەكوۆكە وسىنداي جازادان قۇتىلۋ ٷشٸن قولىمنان كەلگەنشە كٷتتٸم»,-دەيدٸ ا.مۇحامەديۇلى.
ايتا كەتەيٸك, استانا قالاسى سارىارقا اۋدانىنىڭ سوتى مەدەنيەت جەنە سپورت مينيسترٸ ارىستانبەك مۇحامەديۇلىنىڭ ار-نامىسىنا كٷيە جاقتى دەپ, رەجيسسەر تالگاد جانىبەكوۆكە 1 600 000 تەڭگە ايىپپۇل سالدى (500 ايلىق ەسەپتٸك كٶرسەتكٸش).
