Qazaqstannyń mádeniet jáne sport ministri Arystanbek Muhamediuly latyn grafikasyndaǵy jańa qazaq álipbiine aýysýǵa qansha shyǵyn ketetinin aitty, - dep habarlaidy "Ult aqparat" kaz.tengrinews.kz portalyna silteme jasap.
Vedomstvo basshysynyń sózinshe, kelesi jyly ministrlik bul maqsatqa 56 million teńge surap otyr.
"Bul úlken joba, oǵan aitarlyqtai qarjy kerek. Qazirgi tańda Mádeniet jáne sport ministrligi tarapynan 2018 jylǵa biz 56 million teńge surap otyrmyz", - deidi ministr OKQ-daǵy brifing kezinde.
Ol jańa álipbi satylai engiziletinin eske saldy.
"Birinshiden, úkimet jumys tobyn qurady. Ekinshiden, orfografiialyq-lingvistikalyq komissiia qurylady. Latyn grafikasynyń negizinde jańa orfografiialyq erejeler jáne qazaq tiliniń úlken orfografiialyq sózdigi jasalady. Úshinshiden, normativti-quqyqtyq baza qajet", - dep túsindirdi ministr.
Onyń aitýynsha, osy mindetter atqarylǵannan keiin ǵana oqý-ádistemelik quraldardy, kórkem jáne basqa da qajetti ádebietterdi daiyndaý men basyp shyǵarýǵa kirisý kerek.
"Árine jańa álipbidi qoǵam arasynda BAQ arqyly ilgerletemiz. Sonymen qosa, jańa álipbidiń qoldaný aiasyn keńeitý úshin jarnamada qoldaný qajet. Arnaiy úirenetin portal men konverter jasaý kerek", - dep aiaqtady ministr.
