Qazaqstannyń mádeniet jáne sport ministri Arystanbek Muhamediuly Qasym-Jomart Toqaevtyń Nursultan Nazarbaev týraly aitqan sózine qatysty pikir bildirdi, dep habarlaidy sputniknews.kz.
"Shetelge shyqsaq nemese halyqaralyq konferentsiia ótkizgenimizde, bári súisinip, bylai deidi: "Bizdiń elimizde de Nursultan Nazarbaev siiaqty prezident bolsa ǵoi". Tipti qazirgi prezidentterdiń ózi: "Alǵashqy prezidentimiz Nazarbaev bolǵanda, memleketti qaita quratyn edik", — deidi. Nursultan Nazarbaev siiaqty myqty kóshbasshymyz bolǵanyna biz sheksiz baqyttymyz", — dep jaýap berdi ministr tilshiler suraǵyna.
Muhamediuly sózin aiaqtap úlgermesten zalǵa jinalǵandar qoshemet kórsete bastady.
"Álbette, ári qarai Qazaqstandy basqara bergenin bárimiz qalaimyz. Nazarbaevtyń basshylyǵymen elimiz úlken jetistikterge jetedi. Zaldaǵylar meni qoldaidy dep oilaimyn. Meniń pikirim osy", — dep Muhamediuly oiyn túiindedi.
Buǵan deiin Toqaev Nazarbaev 2020 jylǵy prezident sailaýyna qatysatynyna senbeitinin málimdedi.
Qazaqstannyń qazirgi prezidenti osy jazda 78 jasqa tolady. Ol 1991 jyldyń 1 jeltoqsanynda alǵashqy búkilhalyqtyq sailaýdyń qorytyndysy boiynsha prezident bolyp, sodan beri eldi basqaryp keledi. 2015 jyldyń 26 sáýirinde ótken sońǵy kezekten tys sailaýda memleket basshysy sailaýshylardyń 98% daýysyn ielenip, besinshi ret jeńiske jetti. Onyń ókilettigi 2020 jyldyń sáýirinde aiaqtalady. Kostitýtsiiaǵa sáikes, Nazarbaev Qazaqstannyń tuńǵysh prezidenti retinde bul laýazymǵa ómir boiy sailaýǵa túse alady.
