Mádeniet jáne sport ministri Arystanbek Muhamediuly QR prezidenti sailaýynda daýys berdi.
Ministr óz tańdaýyn QR Ulttyq kitaphanasyndaǵy №111 sailaý ýchaskesinde jasady.
«Men óz daýsymdy turaqtylyq úshin, Qazaqstannyń keleshegi úshin berdim. Qazirgi ýaqytta Qazaqstan dúniejúzine syily, óz orny bar memleket. Saiasatta da, óner jaǵynan da jetistikterimizdi maqtanyshpen aita alamyz. Árine búgingi sailaýǵa búkil Qazaqstannyń qatysyp jatqany óte qýanyshty», - dedi ministr jýrnalisterge bergen suhbatynda.
Ministrdiń aitýynsha, oǵan ákimshilik ǵimarattarǵa qaraǵanda kitaphanada daýys bergen unaidy.
«Meniń otbasym basqa ýchaskede tirkelgen. Osy ýchaskege ózim suranyp keldim. Sebebi, basqa ákimshilik ǵimarattarǵa qaraǵanda kitaphanada daýys bergen unaidy», - dedi Arystanbek Muhamediuly.
