QR Mádeniet jáne sport ministri Arystanbek Muhamediuly Qazaqstandaǵy týristik qyzmetterdiń baǵasy nelikten qymbat ekendigin túsindirdi, dep habarlaidy "Ult aqparat" QazAqparat agentttigine silteme jasap.
Onyń paiymynsha, 2020 jylǵa deiin týrizmdi damytý tujyrymdamasy Qazaqstannyń týristik kompaniialary tarabynan usynystardy arttyryp, olardyń qunyn tómendetetin bolady.
«Árine, bizdegi joǵary baǵa barlyǵynyń da renishin týdyrady. Usynys kóp bolatyn bolsa quny quldyraidy. Keń aýqymdy áreketter oryn alǵan kezde baǵa tómendep, usynystar barynsha qoljetimdi bola túsedi», - dedi «EKSPO-2017» media ortalyǵynda ótken baspasóz máslihatynan keiin.
Ministr Alakólden góri Túrkiia nemese Birikken Arab Ámirlikterine barǵan birshama arzanǵa túsetindigin moiyndady.
«Alakólge jáne basqa otandyq demalys oryndarynan góri Túrkiiaǵa nemese Ámirlikterge barǵan arzanǵa túsetindigi qupiia emes. Sondyqtan da qazirgi ýaqytta biz qarqyndy jumys isteýdemiz. Tujyrymdama (2020 jylǵa deiin týrizmdi damytý tujyrymdamasy) degenimiz ne? Bul - qabyldap, jaba salatyn ǵana baǵdarlama emes. Onyń keiinnen zańnamalyq aktisi bolady. Onda barlyǵy jazylady. Árine, ony barlyq memlekettik organdary oryndaýǵa mindetti», - dedi Arystanbek Muhamediuly.
