Muqaǵali Maqataevtyń 90 jyldyq mereitoiy qarsańynda jańa film túsirilip bitti, dep habarlaidy "Ult aqparat".
Bul jóninde «Qazaqfilm» kinostýdiiasy arnaiy málimet taratty.
«Ultymyzdyń aqiyq aqynynyń aldaǵy besinshi mereitoiyn osy joly erekshe ótkizýge «Qazaqfilm» kinostýdiiasy da aianbai atsalysyp otyr. Kinoteatrlar ashylǵan kezde birinshi bolyp kórermenge jol tartatyn rejisser Bolat Qalymbetovtyń «Muqaǵali» kórkem filmi túsirilip bitti. Qazir týyndynyń montaj jumystary júrip jatyr» dep habarlady kinostýdiia Facebook paraqshasynda.
Eske sala keteiik, filmniń túsirilim jumystary ótken jyldyń maýsym aiynda bastalǵan. Negizgi epizodtar Almaty oblysy men Almaty, Óskemen qalalarynda jáne Sankt-Peterbýrgte túsirildi. Kartinaǵa aqyn ómiriniń sońǵy jyldary arqaý bolǵan.
Muqaǵali Maqataev – qazaqtyń lirik aqyny. Az ǵumyrynda birneshe lirikalyq jyr jinaǵy men dastandary jaryq kórgen. Aýdarma salasynda Shekspirdiń sonetterin, Danteniń «Qudiretti komediiasyn» qazaqshalady.
Aqynnyń «Sarjailaý», «Sónbeidi áje, shyraǵyń», «Kel, erkem, Alataýyńa» óleńderine sazger Nurǵisa Tilendiev án shyǵarǵan.
Ol 1931 jyly 9 aqpanda Almaty oblysy qazirgi Raiymbek aýdanynyń Qarasaz aýylynda dúniege kelip, 1976 jyldyń 27 naýryzynda Almatyda dúnieden ótken.
