Múgedektigi bar tulǵalarǵa qoldaý kórsetý jumystaryn únemi jaqsartyp otyrý qajet. Bul týraly Ulttyq qoǵamdyq senim keńesiniń 5-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Úshinshi blok – inkliýzivti jáne qoǵamdyq orta qalyptastyrý. Múgedektigi bar tulǵalarǵa júieli qoldaý kórsetý progressivti ári áleýmettik jaýapty memleketterge tán. Bizge bul baǵyttaǵy jumystardy turaqty túrde jaqsartyp otyrý qajet. Qazaqstanda erekshe bilim berý qajettiligi bar balalardyń sany artyp kele jatyr. Bul oraida mundai mamandandyrylǵan uiymdardyń qyzmetine qatysty qoldanystaǵy normalar eskirgen», - dedi Qazaqstan Prezidenti.
Memleket basshysynyń atap ótýinshe, balalar tekserýden ótýi úshin jarty jylǵa deiin óz kezegin kútýge májbúr. Sodan keiin jan-jaqty keshendi ońaltý qajet bolady.
«Bul úshin tiisti mekemeler de jetispeidi. Sondyqtan bul saladaǵy normativti óńirlerdiń erekshelikteri men zamanaýi standarttardy eskere otyryp jańartý qajet. Búginde bir ǵana psihologiialyq-meditsinalyq pedagogikalyq komissiia 60 myń balany qamtyp otyr. Olardyń jumysynyń tiimdiligin arttyrý úshin bul normativti 50 myń balaǵa deiin tómendetý qajet. Árine, bul qosymsha resýrstar bólýdi talap etedi. Biraq, kásibi kómekke muqtaj balalar birshama sapaly qyzmet ala alatyn bolady», - dedi Qasym-Jomart Toqaev.
