Almaty oblysy ákiminiń orynbasary Jaqsylyq Omardyń tóraǵalyǵymen múgedekter jónindegi oblystyq úilestirý keńesiniń kezekti otyrysy ótti. Jiynda negizgi baiandama jasaǵan oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Z. Ilimjanova múgedekterdiń quqyqtary týraly Konventsiianyń oryndalý barysy týraly aitty.
Baiandamashynyń aitýynsha, oblysta 61,1 myń múmkindigi shekteýli azamat bolsa, sonyń 53% nemese 32,4 myń adam 1-2 toptaǵy múgedekter, 7,1 myń adam nemese 11,7% - múgedek balalar. 2016 jylmen salystyrǵanda múgedekterdi ońaltýǵa bólingen qarjy 2017 jyly eki esege jýyq kólemde ósip, 2, 8 mlrd. mlrd. teńgege jýyqtady. Sonymen qatar 2012 - 2014 jyldary múgedekterge kedergisiz orta qalyptastyrý maqsatynda 2117 áleýmettik infraqurylym nysandaryna pasporttaý sharasy júrgizilgen. Sonyń 400-iniń birinshi kezekte beiimdeýge jatatyny anyqtalyp, bul sharalarǵa oblystyq biýdjetten 266,0 mln.teńge bólingen bolatyn. Onyń ishindegi 40 nysan biylǵy jyly beiimdeletin bolady. 2017 jyldyń 1 maýsymyna barlyǵy 375 nysanda beiimdeý sharalary aiaqtaldy. Z. Ilimjanova sonymen qatar múgedekterdi jumyspen qamtý, sýrdoaýdarma qyzmetine degen qajettilik deńgeii, múgedekterden kelip túsetin aryz-shaǵymdar týraly da birqatar máseleler kóterdi.
Munan keiin sóz alǵan «Nur Otan» partiiasy oblystyq filialy tóraǵasynyń birinshi orynbasary Ǵaliasqar Sarybaev Almaty oblysynda «Kedergisiz keleshek» partiialyq jobasynyń júzege asyrylý barysy, múmkindikteri shekteýli tulǵalar úshin kedergisiz orta qalyptastyrýdaǵy, erekshe kútim qajet etetin balalarǵa inkliýzivtik bilim berýdegi memlekettik organdar men uiymdardyń jumysyna júrgizilgen monitoringiniń nátijelerimen tanystyrdy. Sol siiaqty «Múgedek jáne aqyl-esi, dene bitiminiń kemistegi bar balalarǵa qamqorlyq kórsetýshi ata - analardyń «Alpamys» assotsiatsiiasy» qoǵamdyq birlestiginiń ókili Raihan Sisikenova da sóz aldy.
Jiyndy qorytyndylaǵan oblys ákiminiń orynbasary Jaqsylyq Omar:
- Kedergisiz orta qalyptastyrý úshin nysandardy beiimdeý, inkliýzivti bilim berý sapasyn únemi baqylaýda ustaýymyz kerek. Inkliýzivti bilim berýge qatysty mektep pen balabaqshalar boiynsha Jol kartasyn ázirleńizder. Múgedekterdi qoldaý, ońaltý jáne olarǵa járdem berýdiń basqa da sharalaryna biylǵy jyly 3 mlrd. teńgege jýyq qarjy bóldik. Osy qarajattyń igerilýin, atqarylǵan jumystyń sapasyn osy úilestirý keńesiniń árbir múshesi qadaǵalaýyna alýy tiis. Múgedekterden kelip túsken aryz-ótinishter qalai sheshimin taýyp jatyr, keibir aryzdar nege qaitalanyp túsedi, sonyń bárine analiz jasańyzdar. Múgedekterdi jumyspen qamtýdyń qolymyzda naqty jospary bolýy kerek. Bul iske biznes-qaýymdastyqty da kóbirek tartýymyz qajet, - dedi.
