- Úsh balany, sonyń ishinde eki múgedek balany asyrap otyrǵan jalǵyzbasty ana Astana qalasy ákiminiń orynbasary dóreki sóiledi dep qala basshysy Áset Isekeshevke aryzdandy, dep habarlaidy Ult.kz tilshisi QazAqparat agenttigine silteme jasap.
Shynar Janbekova - úsh balanyń anasy, onyń ekeýi múgedek. Joldasy eki balanyń múgedek bolǵanyna shydamai, otbasyn tastap ketken eken. Soǵan qaramastan jalǵyzbasty ana jataqxanadan bir bólmeni jaldap, taǵdyrdyń ystyǵyna da, sýyǵyna da shydap kelgen. Jaqynda ol Astana qalasy ákiminiń orynbasary Andrei Lýkinnen kómek surap barǵan eken. Alaida sheneýnik ony suraqtyń astyna ala tergep, aqyry kómek berýden bas tartqan. Áleýmettik jeli arqyly Áset Isekeshevke aryzdanǵan Shynar Janbekova oqiǵanyń mán-jaiyn baiandap bergen edi.
«Qurmetti Áset Órentaiuly, men - Janbekova Shynar Nuraliqyzy, úsh balanyń anasymyn. Úsh balamnyń ekeýi - týǵannan mýgedek. Qyzym - Aidana, jasy 14-te, sal aýrýyna (DTsP) shaldyqqan, ulym - Jankeldi, jasy 9-da, sóileý júiesi tejelgen. Balalardyń ákesi basymyzǵa túsken qiyndyqqa shydamai, bizdi tastap ketken. Alimentti de tólemeidi, basqa da kómek kórsetpeidi. Bar aýyrtpashylyqty óz moinymmen, balalar úshin, balalardyń bolashaǵy úshin kóterip kelemin. Osy ýaqytqa deiin úkimetten ai saiyn beretin kómek aqysynan (posobie po inv.) basqa eshqandai kómek kórgen emespin. Ózim otbasynyń jaǵdaiyna bailanysty turaqty bir jumysqa tura almaimyn. Óitkeni balalaryma kúni boiy kútim kerek, tamaqtandyrý kerek, jórgegin aýystyrý kerek. Qyzyma muǵalimder keledi úige. Ekinshi balamdy arnaiy mektepke aparyp, alyp kelem. Sol eki ortada ýaqyt taýyp, qolymnan kelgen jumystardy isteimin», - dep jazdy Shynar Janbekova.
Onyń sózine qaraǵanda, búginde ol jataqhanada bir bólmeni jaldap turady. Oǵan ai saiyn 60 000 teńge ketedi. Aidanaǵa tólenetin járdemaqynyń bári soǵan jumsalady. Úsh balanyń ekeýi múgedek bolǵannan keiin jataqxanada turý qiyn. Sebebi ájetxanasy da, jýynatyn bólmesi de syrtta ornalasqan.
"Al kúnderdiń kúninde bólmeniń iesi bosat dese, qaida baramyn dep ýaiymdap qinalamyn. Osy oimen sizdiń orynbasaryńyz A.I.Lýkinniń qabyldaýynda boldym. 28.11.2016 j. saǵ 16:00-de kómek bolady degen úmitpenen kyzym Aidanany birge ala bardym, biraq ol kisi kómek bermek túgili Astanaǵa ne úshin kóship keldiń? (Znaesh takih kak ty skolko?) dep ózimdi balaǵattady. Sodan keiin «Sen qai aimaqtan keldiń?» dep (Gde roditeli? Gde jila ranshe v shkolnye gody?) dep suraqtyń astyna aldy. Ákem joq, sheshemniń óz otbasy bar dedim, marqum bolǵan ájemniń meniń kazirgi jeke ómirime kandai katysy bar? Men sony túsinbedim. Osyndai laýazymdy adam meni kemsitip, til tigizip, ájýalap otyrǵany durys pa? Maǵan til tigizip otyrǵandy kórip, jylap jibergen qyzyma Lýkin kóz qyryn salǵan da joq. "Ia otkazyvaiýs vam pomoch", - dep bizdi shyǵaryp saldy. Áset Órentaiuly! Sizdiń orynbasaryńyz A.I.Lýkinniń jalǵyzbasty úsh bala tárbielep otyrǵan anaǵa til tigizip, mazaq kylyp otyrýǵa qandai qaqysy bar? Kezegim jaqyndap, úi alǵansha meni balalarymen dalaǵa qýyp shyqpas úshin ýaqytsha bolsa da baspana surap baryp edim, biraq Lýkinniń aitqany da, kórsetkeni de osy boldy ma? Sonda bul kisiniń barlyq mindeti osy boldy ma? Qurmetti Áset Órentaiuly, meniń jan aiqaiyma jaýap berersiz dep úmittenem. Óitkeni sizdiń aldyńyzǵa barýǵa jazylý múmkin emes", - dep jazady úsh balanyń anasy.
Barlyq quqyqtar qorǵalǵan. inform.kz belsendi siltemeni paidalanyńyz http://www.inform.kz/kz/mugedek-balalardyn-anasy-isekeshevke-orynbasarynyn-doreki-soylegeni-ushin-aryzdandy_a2977451
