Memleket basshysy Nursultan Nazarbaev múgedek balalardy asyrap otyrǵan ata-analardyń járdemaqysyn arttyrýdy tapsyrdy, dep habarlaidy QazAqparat tilshisi.
«Úkimetke múgedek balalardy asyrap otyrǵan ata-analardyń járdemaqysyn 30 paiyzǵa kóbeitýdi tapsyramyn. Bizdiń esebimizge sáikes, osynyń arqasynda 100 myń adamnyń járdemaqysy ósedi. Osy maqsatta 2019-2021 jyldary qosymsha 300 milliard teńgeni bólip berýimiz kerek», - dedi N.Nazarbaev «Nur Otan» partiiasynyń XVIII sezinde.
Prezidenttiń aitýynsha, eńbekke jaramdy azamattardy jumysqa tartý qajet. Búginde úide otyryp ta tabys tabýǵa bolady.
«Jergilikti biýdjet esebinen de kómek berýdi kúsheitý kerek. Ondai múmkindikter bar. Qarjyny únemdep, qajet jerge jumsaý qajet. Ótken jyly jergilikti biýdjetterdiń esebinen 135 millird teńge kómek berildi. Osyndai kómekti jalǵastyrý qajet», - dep atap kórsetti N.Nazarbaev.
Aita keteiik, biyl «Nur Otan» partiiasynyń qurylǵanyna 20 jyl tolyp otyr. Osy ýaqytqa deiin respýblika boiynsha 1 millionnan astam adamǵa partiia biletteri tabystaldy. Uiymǵa múshe azamattardyń 62 paiyzy - áielder. Al 29-40 jas aralyǵyndaǵy múshelerdiń sany 27 paiyzdy quraidy.
