CC BY-SA 2.0 / ლევან ნიორაძე /
Aqtaýdaǵy №7 mektep-litseide bilim alatyn oqýshylardyń ata-analary aqsha jinaý problemasyna shaǵymdandy, dep habarlady Sputnik Qazaqstan saity Lada.kz portalyna silteme jasap.
Aqtaý turǵyny Anjelika Melniktiń balasy ekinshi synypta oqidy. Onyń aitýynsha, ata-analar komiteti synyp jetekshisine aqsha jinap, Grýziiaǵa joldama ápergen.
"Men eshqashan synypqa qajetti nársege aqsha berýden bas tartqan emespin, biraq báriniń aqylǵa qonymdy shegi bar. Óz sózimdi rastaý úshin ata-analardyń biri byltyr biz jinaǵan aqshaǵa eshkimge eskertpesten synyp jetekshisine Grýziiaǵa joldama ápergenin aitqan daýystyq aýdiony kórsete alamyn", - deidi Anjelika Melnik.
Ol ata-analar komitetiniń áreketine narazylyq bildiremin dep, jaǵymsyz adamǵa ainalyp shyǵa kelgenin atap ótti.
"Al meniń balamnyń baǵasy kúrt tómendep ketti", - deidi Anjelika Melnik.
Muǵalimniń Grýziiaǵa joldama alǵanyn Sholpan esimdi ata-ana rastap otyr.
"Ótken jyly muǵalimder kúnine synyp jetekshisine Grýziiaǵa joldama berildi. Biz bul týraly qysta ata-analar komiteti aqshanyń taýsylǵanyn aitqan kezde ǵana bildik. Bastapqyda synyptyń qajettilikterine: sý men dárethana qaǵazyna tapsyramyz dep aityldy. Biraq eshkimmen keńespei, muǵalimge qymbat syilyq jasaǵan", - deidi ol.
Sholpannyń aitýynsha, ol aqsha berýden bas tartyp, synyp jetekshisinen ata-analar komitetin tynyshtandyrýdy birneshe ret suraǵan.
№7 mektep-litseiiniń direktory Gúlden Imanǵalieva eshqandai aqsha jinalmaǵanyn jáne syilyq retinde muǵalim shetelge joldama almaǵanyn aitady. Synyp jetekshisi de bul aqparatty joqqa shyǵarǵan.
"Men muǵalimniń Grýziiada demalysta bolǵanyn bilemin, biraq ata-analardyń esebinen emes. Pedagogikalyq qurammen júieli túrde túsindirme áńgimeler júrgizemin. Muǵalimderge syilyq qabyldaýǵa tyiym salynǵanyn bári biledi", - dep túsindirdi Gúlden Imanǵalieva.
Aqtaý bilim bólimi ata-analar eshqandai qosymsha shyǵyndy tóleýge mindetti emesekenin aitty, óitkeni Qazaqstanda orta bilim tegin beriledi jáne mektepte jarnajinaýǵa qatań tyiym salynady. Vedomstvo shetelge joldamaǵa qatysty máseleni tekserip jatqanyn aitty.
