Elbasy akademiiasy «Onlain mektep» jobasy aiasynda bilim salasy týraly vebinar men konferentsiialar ótkizedi, dep habarlaidy "Ult aqparat".
«Karantin kezeńinde barlyq mektepter qashyqtan oqytý formatyna kóshkendikten, Elbasy akademiiasy 1 sáýirden bastap «Onlain mektep» jobasyn iske qosty. Joba eki baǵytta jumys isteidi», - dep jazdy QR Tuńǵysh Prezidentiniń kómekshisi Áset Isekeshev facebook paraqshasynda.
«Birge oqý» pikirtalas alańynda tikelei efirde jergilikti jáne sheteldik sarapshylardyń qatysýymen ózekti máseleler talqylanady. Al ekinshi baǵytta - muǵalimderge mamyr aiynyń sońyna deiin tegin kýrs júrgiziledi. Ázirge 40 sabaq jariialanyp úlgerdi.
«Jobaǵa QR Tuńǵysh Prezidenti qorynyń bilim berý platformasynda (fpp.kz) jáne YouTube arnasynda, tanymal áleýmettik jelilerde arnaiy alańdar ashyldy. 17 sáýirge deiin jalpy 5736 jazylýshy tirkeldi. 17 kúnde 3 onlain konferentsiia men 7 vebinar uiymdastyryldy. Efir qorytyndysy boiynsha, qor portalynda reseilik sarapshylar V. Shimanskaia men N. Kiselevanyń suhbattary jariialandy. Sondai-aq, álemniń úzdik 50 ustazynyń qataryna kiretin N. Kiselevamen bólek vebinar uiymdastyryldy», - dedi Á. Isekeshev.
17-19 sáýir kúnderi Bilim jáne ǵylym vitse-ministriniń, psihologiia men emotsiialyq intellekt salasynyń sarapshylarynyń qatysýymen 4 konferentsiia ótkizý josparlanǵan. Boljam boiynsha, bul talqylaýlarǵa 30 myńnan astam (pedagogtar, ata-analar, jetekshiler) kórermen qamtylady.
