Mektepterde fizika, himiia, biologiia jáne informatika pánderin aǵylshyn tilinde oqytatyn muǵalimderdi kýrstar arqyly daiarlaý toqtatyldy. Bul týraly búgin Úkimet úiindegi baspasóz máslihatynda QR Bilim jáne ǵylym ministri Kúlásh Shámshidinova aitty, dep habarlaidy QazAqparat tilshisi.
Ministrdiń aitýynsha, búginde elimizdiń mektepterinde fizika, himiia, biologiia jáne informatika pánderin 11 myń muǵalim aǵylshyn tilinde berip otyr. Olar aldymen 3 ailyq, keiinen 8 ailyq til kýrsynda bilim alǵan.
«Kelesi jyldan bastap muǵalimderdi ailyq kýrstan ótkizetin qarjyny pedagogikalyq uiymdarǵa jumsaityn bolamyz. Iaǵni, pedagog mamandardyń ýniversitet qabyrǵasynan til meńgerip shyǵýyna baǵyttaimyz. 2016 jyly alǵash ret aǵylshyn tilinde sabaq beretin muǵalimderdi daiyndaýǵa memlekettik tapsyrys berildi. Alǵashqy 1200-ge jýyq túlek 2020 jyly bitiredi. Sondyqtan muǵalimderdi oqytý kýrstary toqtatyldy», - dedi ol.
Onyń aitýynsha, balalardy úsh tilde oqytý birtindep, muǵalimniń jáne mekteptiń daiyndyǵyna bailanysty júrgiziledi.
«Bul jerde "aldymyzǵa jan salmai problemany sheshemiz" dep júgirip bara jatqan eshim joq. Ret-retimen jasaimyz», - dedi Kúlásh Shámshidinova.
