مەكتەپتەردە فيزيكا, حيمييا, بيولوگييا جەنە ينفورماتيكا پەندەرٸن اعىلشىن تٸلٸندە وقىتاتىن مۇعالٸمدەردٸ كۋرستار ارقىلى دايارلاۋ توقتاتىلدى. بۇل تۋرالى بٷگٸن ٷكٸمەت ٷيٸندەگٸ باسپاسٶز مەسليحاتىندا قر بٸلٸم جەنە عىلىم مينيسترٸ كٷلەش شەمشيدينوۆا ايتتى, دەپ حابارلايدى قازاقپارات تٸلشٸسٸ.
مينيستردٸڭ ايتۋىنشا, بٷگٸندە ەلٸمٸزدٸڭ مەكتەپتەرٸندە فيزيكا, حيمييا, بيولوگييا جەنە ينفورماتيكا پەندەرٸن 11 مىڭ مۇعالٸم اعىلشىن تٸلٸندە بەرٸپ وتىر. ولار الدىمەن 3 ايلىق, كەيٸنەن 8 ايلىق تٸل كۋرسىندا بٸلٸم العان.
«كەلەسٸ جىلدان باستاپ مۇعالٸمدەردٸ ايلىق كۋرستان ٶتكٸزەتٸن قارجىنى پەداگوگيكالىق ۇيىمدارعا جۇمسايتىن بولامىز. ياعني, پەداگوگ مامانداردىڭ ۋنيۆەرسيتەت قابىرعاسىنان تٸل مەڭگەرٸپ شىعۋىنا باعىتتايمىز. 2016 جىلى العاش رەت اعىلشىن تٸلٸندە ساباق بەرەتٸن مۇعالٸمدەردٸ دايىنداۋعا مەملەكەتتٸك تاپسىرىس بەرٸلدٸ. العاشقى 1200-گە جۋىق تٷلەك 2020 جىلى بٸتٸرەدٸ. سوندىقتان مۇعالٸمدەردٸ وقىتۋ كۋرستارى توقتاتىلدى», - دەدٸ ول.
ونىڭ ايتۋىنشا, بالالاردى ٷش تٸلدە وقىتۋ بٸرتٸندەپ, مۇعالٸمنٸڭ جەنە مەكتەپتٸڭ دايىندىعىنا بايلانىستى جٷرگٸزٸلەدٸ.
«بۇل جەردە "الدىمىزعا جان سالماي پروبلەمانى شەشەمٸز" دەپ جٷگٸرٸپ بارا جاتقان ەشٸم جوق. رەت-رەتٸمەن جاسايمىز», - دەدٸ كٷلەش شەمشيدينوۆا.
