Muǵalimderdiń 55-58 jastan bastap zeinetke shyǵý máselesine qatysty túbegeili sheshim qabyldanǵan joq.
Bul týraly búgin Ortalyq kommýnikatsiialar qyzmetindegi baspasóz máslihatynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
Shara barysynda BAQ ókilderi ministrden muǵalimderdiń 55-58 jastan zeinetke shyǵý usynysyna qatysty jeke pikirin suraǵan bolatyn.
«Bul máseleni biz birneshe ret talqyladyq. Naqty zeinetkerlikke shyǵý máselesin aityp otyrmyz. Jalpy bizde zeinetke shyǵý boiynsha zańda bekitilgen ýaqyt bar. Biz ustazdarǵa mundai quqyq beretin bolsaq, onda basqa da salanyń, máselen dárigerler, mádeniet salasynyń qyzmetkerleri tarapynan bul másele kóterile beredi. Sondyqtan búgingi kúni atalǵan másele tek talqylaný ústinde. Áli oń sheshildi dep biz aita almaimyz», - dep jaýap berdi ministr.
