Bilim jáne ǵylym ministri Ashat Aimaǵambetov koronavirýstyń taralýyna jol bermeý úshin elimizdegi muǵalimderdiń kýrstary keiinge shegerilgenin, keibiri onlain formatqa aýystyrylǵanyn málim etti, dep habarlaidy QazAqparat.
«Qosymsha bilim berý uiymdaryna keler bolsaq, balalar saraiy, mýzyka mektebi bizdiń elde kóp. Bul uiymdarǵa bir ǵana mekteptiń ǵana emes, qalanyń nemese eldi mekenniń barlyq balalary keledi. Sondyqtan osyndai bilim berý uiymdarynda infektsiiany juqtyrý qaýpi óte joǵary. Osyny eskere otyryp, bilim berý uiymdarynyń jumysyn 5 sáýirge deiin toqtattyq», - dedi Ashat Aimaǵambetov OKQ-da ótken baspasóz máslihatynda.
Ministrdiń aitýynsha olimpiada, spartakiadalar da keiinge shegerilgen.
«Baldáýren, Bóbek sekildi lagerlerge de balalardy alýdy toqtattyq. Biliktilik arttyrý kýrstary ótetinin bilesizder. Oǵan on myńdaǵan muǵalim qatysýy kerek edi. Biraq onyń kóbin onlain formatqa kóshirdik. Al onlain formatqa kóshpeitin kýrstardy biz merzim boiynsha shegerý týraly sheshim qabyldadyq», - dedi ol.
