بٸلٸم جەنە عىلىم مينيسترٸ اسحات ايماعامبەتوۆ كوروناۆيرۋستىڭ تارالۋىنا جول بەرمەۋ ٷشٸن ەلٸمٸزدەگٸ مۇعالٸمدەردٸڭ كۋرستارى كەيٸنگە شەگەرٸلگەنٸن, كەيبٸرٸ ونلاين فورماتقا اۋىستىرىلعانىن مەلٸم ەتتٸ, دەپ حابارلايدى قازاقپارات.
«قوسىمشا بٸلٸم بەرۋ ۇيىمدارىنا كەلەر بولساق, بالالار سارايى, مۋزىكا مەكتەبٸ بٸزدٸڭ ەلدە كٶپ. بۇل ۇيىمدارعا بٸر عانا مەكتەپتٸڭ عانا ەمەس, قالانىڭ نەمەسە ەلدٸ مەكەننٸڭ بارلىق بالالارى كەلەدٸ. سوندىقتان وسىنداي بٸلٸم بەرۋ ۇيىمدارىندا ينفەكتسييانى جۇقتىرۋ قاۋپٸ ٶتە جوعارى. وسىنى ەسكەرە وتىرىپ, بٸلٸم بەرۋ ۇيىمدارىنىڭ جۇمىسىن 5 سەۋٸرگە دەيٸن توقتاتتىق», - دەدٸ اسحات ايماعامبەتوۆ وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنشا وليمپيادا, سپارتاكيادالار دا كەيٸنگە شەگەرٸلگەن.
«بالدەۋرەن, بٶبەك سەكٸلدٸ لاگەرلەرگە دە بالالاردى الۋدى توقتاتتىق. بٸلٸكتٸلٸك ارتتىرۋ كۋرستارى ٶتەتٸنٸن بٸلەسٸزدەر. وعان ون مىڭداعان مۇعالٸم قاتىسۋى كەرەك ەدٸ. بٸراق ونىڭ كٶبٸن ونلاين فورماتقا كٶشٸردٸك. ال ونلاين فورماتقا كٶشپەيتٸن كۋرستاردى بٸز مەرزٸم بويىنشا شەگەرۋ تۋرالى شەشٸم قابىلدادىق», - دەدٸ ول.
