QR Bilim jáne ǵylym ministri Ashat Aimaǵambetov kópjyldyq ótili bar pedagogter nege ulttyq biliktilik testileý synaǵyn tapsyratynyn túsindirdi, dep habarlaidy QazAqparat.
«Ýniversitet bitirgen 32 myń stýdent testileýden óte almai qalǵanyn aittym. Olar da bizge renjidi.
«Biz jańa ǵana ýniversiteti bitirip jatyrmyz. Bilimimiz áli eskirgen joq. Nege bizdiń biliktiligimizdi tekserýlerińiz kerek?», - degen suraq qoidy. Biz aitamyz: «Sebebi sizder balalarmen jumys isteisizder. Sizderdiń bilimdi, bilikti bolǵandaryńyz maǵan kerek emes, jalpy memleketimiz úshin qajet», - dep jaýap beremiz. Sol siiaqty 15 jyl bolsyn, 10 jyl bolsyn tájiribesi bar muǵalimderge de osy másele tiesili», - dedi vedomstvo basshysy.
Onyń paiymynsha, muǵalimderdi testileý arqyly synaýdy olardyń biliktiligin joqqa shyǵarý dep qaramaý kerek.
«Bul- muǵalimderdiń 5 jylda bir ret óziniń quzyrettiligin dáleldeý úshin baiaǵydan kelejatqan úrdis. Sondyqtan bul jumys jalǵasyn tabady», - degen ministr biliktilik testinen ótpeý mamannyń muǵalim bolyp jumys isteý quqyǵyn shektemeitinin eskertti.
«Bul – muǵalimniń óz biliktiligine sai ústemeaqy alýy úshin tapsyrylatyn test», - dedi Ashat Aimaǵambetov.
